4 Japanese na sangkot sa iba’t ibang kaso, ipina-deport

ni Gina Pleñago @News | September 11, 2026

Photo: Bureau of Immigration, Republic of the Philippines

Tuluyan nang ipinatapon ng Bureau of Immigration (BI) ang apat na Japanese national na sinasabing sangkot sa fraud activities, undocumented, at undesirable aliens.

Kabilang sa mga na-deport sina Oi Riho, 28, at Moriyama Yu, 31, kapwa overstaying, undocumented at undesirable aliens na sangkot sa telecommunication fraud, online gaming fraud, at isang scheme na may kaugnayan sa kidnapping.

Kasama rin sa na-deport sina Daisuke Ikeno, 51, at Hamai Daisuke, 53, na idineklarang undesirable aliens dahil sa pagiging mga pugante na may mga standing warrants sa Japan sa pagnanakaw.

Ang apat ay sumakay sa isang flight ng Japan Airlines patungong Narita, na escorted ng mga tauhan mula sa Japan National Police Agency (JNPA).

Sinabi ni BI Commissioner Joel Anthony M. Viado na patuloy na palalakasin ng Bureau ang mga pagsisikap sa pagpapatupad at pakikipagtulungan sa mga foreign agency na pagpapatupad ng batas upang maiwasan na gawing kanlungan ang Pilipinas ng mga puganteng dayuhan.

Iniwan sa front desk, binalikan... Babaeng call center agent, tiklo sa droga

ni Gina Pleñago @News | September 8, 2026

Photo: Circulated / RMN / IG

Kulong ang 24-anyos na babaeng call center agent makaraang balikan nito ang iniwang pakete na naglalaman umano ng ilegal na droga sa front desk ng isang establisimyento, Lunes ng umaga sa Taguig City.

Iniwan ni alyas April, ng Brgy. North Signal, ang pakete sa front desk ng establisimyento sa Brgy. Ususan at hindi na ito binalikan, kaya't nagpasyang i-report na ito sa pulisya ng pamunuan ng establisimyento.

Habang nagsasagawa ng routine patrol sa lugar ang mga operatiba ni Southern Police District P/BGen. Rodel Pastor, alas-11:30 ng gabi, nagpahiwatig ang K9 drug-sniffing dog na may ilegal na droga sa loob ng pakete at nang buksan ng pulisya, tumambad ang 420 gramo ng high-grade marijuana o kush na nagkakahalaga ng P630,000.

Lunes ng umaga, binalikan ni "April" ang pakete na kanyang iniwan, na nagresulta sa pag-aresto sa kanya matapos makita sa CCTV ng establisimyento na siya rin ang nag-iwan nito sa front desk.

Bigtime dagdag-presyo... P6 diesel, kerosene, P5 gasoline

ni Gina Pleñago @News | September 6, 2026

Photo: File

Sa pagtataya ng oil industry sources,malakihang dagdag-presyo sa mga produktong petrolyo ang aasahan sa susunod na linggo.

Sa diesel, may inaasahang P4.00 hanggang P6.00 na dagdag kada litro.

Mayroon ding P3.00 hanggang P5.00 na dagdag sa kada litro ng gasolina; habang P4.00-P6.00 din ang tinatayang itataas sa kada litro ng kerosene.

Ilan sa mga tinitingnang dahilan ay patuloy na paglala sa tensyon sa Middle East kasunod ng panibagong mga pag-atake ng Amerika.

Nakadagdag din ang mahinang halaga ng Piso kontra Dolyar kung saan, ilang beses na naitala ang record-low value ng Philippine Peso ngayong linggo.

Lunes, iaanunsyo ng Department of Energy (DOE) ang magiging pinal na oil price adjustment, habang ipatutupad naman ito ng mga oil companies sa araw ng Martes 8.