Japan, niyanig ng magnitude 6.1 na lindol
Oct 8, 2021
1 min read
ni Jasmin Joy Evangelista | October 8, 2021
Niyanig ng magnitude 6.1 na lindol ang Chiba Prefecture sa northwestern Japan, kabilang ang Tokyo.
Ayon sa Meteorological Agency ng Japan, may lalim ang lindol na 80 kilometers na nagdulot ng damage sa mga building, blackouts, at pagkakatigil ng operasyon ng mga tren.
Naganap ang lindol pasado alas- 9 ng gabi ng Huwebes oras sa Pilipinas.
Kaagad na nag-set up ng emergency response task force ang kanilang gobyerno.
Nilinaw din ng ahensiya na walang tsunami warning matapos ang paglindol.
Inaalam din ng mga otoridad kung may mga napinsalang gusali o nasaktan sa naturang insidente.
Comments