Dumadaming cyberattack sa Japan, iniuugnay sa paggamit ng AI

by BRT @World News | October 8, 2026

Photo: File

Dumadami ang cyberattack sa Japan na nagresulta sa pagkalantad ng personal na impormasyon ng milyun-milyong tao.

Kabilang sa mga biktima ang GMO Research & AI Inc., Mr Max Holdings Ltd., Daiwa Securities Co. at Citizen Watch Co. Aabot sa mahigit 1.7 milyon ang datos na nakompromiso sa Mr Max, habang 948,498 miyembro naman ang naapektuhan sa GMO.

Ayon sa mga eksperto, posibleng ginagamit na ng mga hacker ang artificial intelligence (AI) upang mas mabilis at mas mura ang pagsasagawa ng cyberattack.

Nagbabala rin ang mga awtoridad na maaaring gamitin sa krimen ang nakuhang personal na impormasyon, kabilang ang driver’s license at iba pang identification documents.

Pinayuhan ang publiko na gumamit ng multifactor authentication, iwasang gamitin ang parehong password sa iba’t ibang account at maging maingat sa kahina-hinalang email at social media messages.