JACKIE, IDEDEMANDA ANG NAGKALAT NA PASAWAY AT TAMAD SI KOBE

ni Julie Bonifacio - @Winner | November 21, 2021

Dinepensahan ni Jackie Forster ang anak na si Kobe Paras sa mga nag-akusang pasaway ito sa Japan Basketball League.

Ini-repost ni Jackie ang Instagram story na may account name na Juan Manila na may nakalagay sa caption in bold letters na ganito, "PASAWAY???"

Matigas daw ang ulo ni Kobe at nagagalit kapag pinapagalitan.

Reklamo pa kay Kobe, ayaw daw sumunod sa play, hindi team player at tamad dumepensa.

Sa caption ng ini-repost na IG story ni Jackie, nagtataka siya kung paano lumabas ang ganyang balita rito sa 'Pinas mula sa Japan kung saan naglalaro si Kobe.

"Please share your source, I'm curious as to who would say this all the way from Japan that would be willing to jeopardize what they have been working on. I'd like to speak directly to that person with Kobe's agent," lahad ni Jackie.

Pagbabanta ni Jackie, "Otherwise, don't post things that could potentially taint or scar a person's reputation and mindset. Rumors destroy people, specially their mental health. You may hear from my lawyer if you cannot prove accusations you post on social media. I will be checking my inbox regularly. Sincerely, Kobe's mother."

As usual, nag-judge agad ang mga Marites kay Kobe.

"Kung totoo 'yan, ewww, yuck naman this guy, nalunod sa isang tasang kape. Well-disciplined mga Hapon, mahiya ka naman, uyyy.."

Reply ng isang netizen, "Pano naman if hindi totoo?"

"Naku, last international stint na niya. Welcome again sa 'Pinas. The overhype Kobe is going back again and again and again."

"If Jackie will watch his son play in Japan, mapapansin na tamad talaga si Kobe in terms of team defense, madalas nakatayo lang siya sa corner waiting for ball or walang ganang maglaro kapag 'di hawak ang bola. He really is immature pa pagdating sa paglalaro."

But in fairness, marami pa rin ang dumepensa kay Kobe na netizens.

"Might be a translation problem. Pero sa mga relatives ko sa Japan na napanood siya in person doon sa games niya, mabait daw, namamansin at kumakaway sa kanila 'pag tinatawag."

"He's shining in the B-league. Baka kaya may naninira."

Hmmm... baka nga!