It's Showtime, sinuspinde, EAT! lusot… CHAIR LALA, TINAWAG NA BIASED NG NETIZENS

ni Julie Bonifacio @Winner | September 6, 2023

Inalmahan ng madlang pipol ang naging desisyon ng MTRCB (Movie and Television Review and Classification Board) sa Kapamilya noontime show na It’s Showtime.

Sigaw ng madlang pipol, ‘di naging fair ang MTRCB sa ibinaba nitong suspension sa It’s Showtime at biased din daw si Chairwoman Lala Sotto dahil may mga nagawang mali rin daw ang programa ng kanyang ama na si Tito Sotto na E.A.T. sa TV5.

“Mali ang Showtime, yes. Totoo naman. PERO OBVIOUS NA BIASED ANG MTRCB. May mali rin ang E.A.T., ah, ano na nangyari ru’n? Conflict of interests pa sila. Tatay niya, nasa E.A.T., eh.”

“Halatang-halata ang bias ni ateng sa MTRCB. Susme naman.”

“MTRCB, come on, get real now! Ang dami diyan na dapat maparusahan, pero ‘yung Showtime talaga? Dito sa US, ito lang ang form of enjoyment namin. Can we watch it via YouTube or Facebook?”

Naglabas din ng kani-kanilang saloobin ang mga hosts ng It’s Showtime on their respective social media accounts.

Caption ni Vice Ganda sa Instagram post niya: “In the middle of every difficulty lies opportunity.”

Nag-post din ng comment ang mga kasamahang hosts ni Vice sa It’s Showtime at naghayag ng kanilang pagkakaisa gaya ng isang pamilya.

Share ni Ogie, “Love is what binds our family.”

Mga puting puso naman ang iniwan ni Anne Curtis sa comment section.

Say ni Kim Chiu, “Together as one!”

“Pagsubok lang ang lahat! Keep the faith,” sabi ni Vhong Navarro.

Sabi naman ni Karylle, “Nothing but love for all of you my Showtime fam.”

May separate post din si Kim sa kanyang Instagram.

Aniya, “FAMILY! @itsshowtimena family, mahal ko kayong lahat!!!! Anuman ang mangyari, basta’t magkakasama tayo. Together as one! #GiftOfFamily #GiftOfMaking PeopleHappy.”