Ibinuking ni Paolo… MGA GAMIT NI HEART SA TAPING, MAY SARILING SASAKYAN

ni Vinia Vivar - @Frankly Speaking | November 8, 2021

Hindi itinanggi ni Heart Evangelista na sa first few days ng taping ng I Left My Heart In Sorsogon ay medyo nahirapan siyang umarte since four years ago na nga rin ang kanyang huling teleserye.

“‘Yung first few days, talagang nangapa ako, na-conscious ako, na-pressure ako, hindi ko alam kung paano ako iiyak.

“I’m just so glad that Paolo (Contis) was there, and direk (Mark Sicat dela Cruz) and everyone, they were very patient with me. Kasi sa totoo lang, na-pressure talaga ako at first, hirap na hirap ako mag-memorize, hirap na hirap,” sey ni Heart sa virtual mediacon ng ILMHIS.

Pero ‘yung preparation daw niya para sa kanyang role ay madali naman sa kanya especially fashionable nga ang kanyang karakter dito.

Nabanggit nga rin ni Heart na baka last teleserye na niya ang ILMHIS kaya ibinigay niya rin talaga ang kanyang 101%.

“Because I don’t know if this might be my last, I don’t know. You never know. So, I felt that it was time for me to do one and to make it really, really good. So, I just felt it was the perfect time,” sey niya.

“Not naman taking a break, just prioritizing a different angle to my career, I guess in a way. And also, personally for me, parang I’ve been also really working a lot and I feel na I just want to take a breather, a little bit lang, but I’m not gonna go anywhere. Like I’m still very, very out there. It’s just that I just want to concentrate on something lang,” sey ng aktres.

Naaliw naman kami nang matanong si Heart kung ilang luggage ba ang dala-dala niya sa set for her outfit at ayon sa aktres ay total of 8 daw.

Hirit ni Paolo Contis na kasama rin sa serye, may sariling sasakyan daw ang mga luggage ni Heart.

Ginagampanan kasi ni Heart sa serye ang role na fashion designer kaya naman need niya talaga ang maraming damit at talagang inamin naman niyang dito niya inirampa ang lahat ng mga high-end outfit niya.

Magsisimula nang mapanood ngayong Nov. 15 ang I Left My Heart in Sorsogon sa GMA Telebabad. Aside from Paolo and Heart, kasama rin sa serye sina Richard Yap, Mavy Legaspi, Kyline Alcantara at marami pang iba.