Ibang level na, James! NADINE, NAKADISPLEY ANG MUKHA SA SPOTIFY BILLBOARD SA NEW YORK

ni Beth Gelena - @Bulgary Files | May 02, 2021

Ang bongga ni Nadine Lustre, ha?!

Well, bumalandra lang naman sa Spotify Billboard sa New York ang mukha ng aktres na ex-GF ni James Reid.

Si Nadine ang featured cover sa digital billboard para sa EQUAL Philippines ng Spotify at makikita ang larawan niya sa Times Square sa New York City.

Ang iba pang artists na ipinakikita sa naturang billboard at kahilera ni Nadine ay ang Thai singer-songwriter na si Bowkylion, at Indian artists na sina Shalmali at Sunidhi Chauhan.

Ipinost ni Nadine ang photo at video ng billboard sa kanyang Instagram account nu'ng April 30 at caption niya: "We made it to NYC fam."

Binati naman siya ni James sa Instagram Stories nito at post ng aktor, "Congrats Nadine. Spotify billboard up in NYC!"

Well, nakaka-proud naman si Nadine bilang Pinoy.