Iba raw ‘to, Xian… KIM, EXCITED NA MAGSAMA ULI SILA NI PAULO

ni Vinia Vivar @Frankly Speaking | November 25, 2023

Dahil big fan din si Kim Chiu ng mga Korean dramas, sobrang ikina-happy niya na siya ang napili na gumanap na lead actress sa Pinoy version ng hit K-drama na What’s Wrong with Secretary Kim?

“I’m very happy to do this project and mag-land siya sa akin kasi I’m also a Korean fan ng mga series,” ani Kim sa latest interview ng ABS-CBN.

During the pandemic ay isa raw itong WWWSK sa mga pinanood niyang K-dramas without knowing na gagawin pala niya ang adaptation nito.

Sa bagong proyektong ito ay si Paulo Avelino muli ang kanyang makakapareha matapos ang big success ng tambalan nila sa Linlang.

“From Linlang, and then, ‘eto kami ulit, we’re playing a super-duper different role rito. Doon sa Linlang, sobrang intense, heavy, minsan n’yo lang kami makitang nakangiti sa isa’t isa.

“So, ‘eto, puwede na kaming makapagbigay ng maraming smiles and all and giggles, like that.

So sobrang complete opposite siya which we’re very thankful din na sinuportahan kami sa Linlang, and then, we’re doing this project ngayon sa Viu, so, sobrang happy and excited again to do a different dynamics with Paulo,” ani Kim.

Isa pa nga raw sa ikinae-excite niya ay makita si Paulo sa rom-com since nasanay nga siya sa role nito sa Linlang na sobrang seryoso at laging galit.

“Minsan lang siya talaga tumawa at hindi ko pa siya nakita na nag-full rom-com, so parang na-excite rin ako to see him and to do this project with him,” ani Kim.

Si Paulo naman ay aminadong matindi ring pressure on his part na maikumpara sa South Korean actor na si Park Seo Joon na siyang male lead sa nasabing K-drama.

“Grabe ‘yung pressure sa ‘kin dahil everyone loves the Korean actor who played Secretary Kim, so medyo it’s really. . . I’m trying my best to look the part and play the part properly,” aniya.

Ipapalabas sa 2024 ang WWWSK na collaboration ng Dreamscape Entertainment at Viu.