Hipag na si Cheska, in-unfollow sa IG… SIGAW NG MISIS NI PATRICK: LUMABAS NA ANG TOTOO, PEKE PALA!

ni Beth Gelena @Bulgary | May 21, 2025

Photo: Cheska Garcia Kramer at Nikka Garcia - IG

In-unfollow ni Nikka Garcia ang kanyang sister-in-law na si Cheska Kramer (kapatid ni Patrick Garcia) sa kanyang Instagram account.

Napuna ito ng mga netizens kaya nagtanong sila sa misis ni Patrick kung bakit niya in-unfollow si Cheska.

Sinagot naman ni Nikka ang tanong ng netizen. Aniya, they have nothing to do with each other and revealed that they had different beliefs.

Ang komento ni Nikka ay ipinost ni Cheska sa kanyang IG kung saan she raised eyebrows and elicited mixed reactions online.

Unang tinanong ng netizen ay si Cheska.

Komento ng netizen, “You don't follow @nikkamgarcia anymore? And vice-versa...huh?”

Si Nikka ang sumagot, “Hi! Yes we no longer have anything to do with each other. Different beliefs I guess. Thru me, the realness is revealed and sadly it was fake all along. Wish it weren't this way but oh well, moving on. Night!!!”

Ayon naman sa mga netizens ay binura ni Cheska ang komento ni Nikka sa netizen.

---

Sa 10th anniv, nagpakasal uli…

JOHN KAY ISABEL: PINAKATAMANG DESISYON NA PINAKASALAN KITA

TILA nauuso sa mga celebrity couples na mag-renewal of vows kapag umabot na sa isang dekada (10 years) ang kanilang kasal na matiwasay pa ring nagsasama.

After ng renewal of vows nina Patrick Garcia at Nikka last March, sina John Prats at Isabel Oli naman ang nag-renew ng wedding vows sa kanilang 10th anniversary.

Ginanap ang muling pagpapakasal nina John at Isabel sa Nayomi Sanctuary Resort sa Batangas.

It was witnessed by people close to the couple’s hearts.

“Marriage is commitment, daily. Choosing your spouse over and over again and saying ‘I Do’ to the same person for the rest of your lives. Congratulations on your 10th year @johnprats and @isabeloliprats #renewalofvows #livinthemomentwithjohn,” ang caption na nakalagay sa kanilang larawan.

As seen in the photos, the celebrity mom looked gorgeous in her chic tube gown while the actor-director was dapper in his beige suit.

Ani John, “Grabe!! Happy 10th year wedding anniversary my wifey @isabeloliprats! Bilis ng panahon! Hindi na ako makahintay na pakasalan ka ulit.

“Pinakatamang desisyon ko sa buong buhay ko na ikaw ang pinakasalan ko. Cheers to forever my cuffycake! I love you po.”

Ayon naman kay Isabel, “Wow, 10 years married to my childhood crush and best friend. It’s been such a wild, beautiful ride filled with love, laughter, binge-watching documentaries or crime investigation shows, and spontaneous joyrides just for the fun of it. Who knew random night rides could be so much fun? They say time flies when you’re with the right person, and honestly, it feels like we blinked and suddenly we’re celebrating a whole decade.”

May 16, 2015 nang unang ikasal ang celebrity couple.

---

Muling ipina-bless ni Ivana Alawi ang buo niyang kabahayan dahil sa umano’y may sumamang multo nang sila ay lumipat.

Naikuwento ni Ivana ang tungkol sa umano’y ‘sumunod’ sa kanya nang minsang mag-out of town siya.

Sa vlog ni Ivana na mayroong 19.1 million YouTube (YT) subscribers, guest niya si Kyline Alcantara. 

Sinagot niya ang tanong ng Kapuso actress kung ano pa ang dream role niya.

“Gusto kong maging mumu, ha? Ayaw ko ng tinatakot ako,” ani Ivana ukol sa kanyang nais na gampanang role.

Patuloy pa niya, “Parang may time nu’n na ‘pag nag-a-out of town ako, may sumusunod. Bumubukas ‘yung ilaw ko sa bahay, promise. Nagpa-bless ulit ako ng whole house.”

Dagdag pa niya, “Nu’ng nasa province kami, biglang bumukas ‘yung room, tapos walang tao.

“3 AM, bumukas ‘yung room ko, tulog ako. Tapos akala ko, si Mona, pina-prank ako. So ready ako magwala…”

Nasabi tuloy ni Kyline na maganda si Ivana kaya maaaring naa-attract umano ang mga ‘sumusunod’ na ito sa kanya.

Panoorin ang kabuuan ng tsikahan ng dalawang aktres sa YT channel ni Ivana Alawi.