Kababaihan, irespeto raw… KYLIE: SORRY, WALANG SAYSAY KUNG ‘DI NAGBABAGO ANG TAO

ni Beth Gelena @Bulgary | March 6, 2026

Photo: Kylie Padilla - Instagram

May matapang na pahayag si Kylie Padilla tungkol sa respeto para sa mga kababaihan.

Kaugnay ito ng kontrobersiyal na statement ni QC 4th District Rep. Bong Suntay na pinayanasaan daw niya si Anne Curtis nang makita niya sa Shangri-La, na later on ay binawi rin niya at sinabing hindi pa naman talaga niya nakikita nang personal si Anne at imahinasyon lang niya ang lahat.

Mariing iginiit ni Kylie na ang mga kababaihan ay karapat-dapat sa paggalang, higit pa sa pagiging mga bagay ng ‘kasiyahan at imahinasyon’.

Sey ni Kylie, “Most of these things are deeply rooted and ingrained in cultural beliefs.

“Otherwise, it will always just be the battle of the s*xes. Someone can say sorry but still believe they didn’t do anything wrong.

“Women exist for more than just your pleasure and imagination.” 

Diin pa niya, “They deserve respect even in thought.”

Sa panahong kinokondena ng mga organisasyon tulad ng AKTOR PH ang objectification o pambabastos sa mga kababaihan sa mga public spaces, nagbahagi ng matapang na reflection si Kylie Padilla. 

Sey niya, walang saysay ang apology kung hindi naman nagbabago ang mindset ng isang tao.

---

NAG-CELEBRATE ng 37th birthday si Cristine Reyes kahapon, March 5.

Simple at nakamamanghang photoshoot ang ipinost niya sa kanyang social media account.

Nagpahayag ng lubos na pasasalamat ang aktres para sa isa na namang taon ng pagbabago at patnubay ng Diyos na kanyang nakamtan.

Ayon sa aktres, inuuna niya ngayon ang mga bagay na tunay na mahalaga tulad ng pananampalataya.

Binigyang-diin niya na siya ay patuloy na nagtitiwala sa ‘God’s perfect timing’.

Pahayag niya, “Nagpapasalamat ako sa isa na namang taon ng buhay, paglago, at sa patnubay ng Diyos.

“Ngayong 37 na ako, mas pinipili ko ang mga bagay na tunay na mahalaga.”

Naglaan din ng oras ang aktres upang magpasalamat sa kanyang creative team na tumulong upang maging espesyal ang kanyang birthday shoot.

---

MAY lumabas sa Fashion Pulis na nakuhanan ng larawan ang rumored couple na sina Kathryn Bernardo at Lucena City Mayor Mark Alcala sa isang mall.

Ang nasabing video ng dalawa ay ipinadala ng isang netizen sa TikTok na may pangalang chuubbzz_1903.

Ang caption ng nag-share ng larawan at video, “Bagay sila.”

Walang komento sa FP, pero sa TikTok ay may mga komento tulad ng:

“Ang gaan ng aura nila together.”

“Kinikilig ako sa kanila. Ang lakas ng dating nila. Sana soon, sweet naman ‘pag na-spot ulit sila.” 

“Wala kasing sweetness na nakikita sa rumored couple. No holding hands at all.”

“Hala! Nasa SM Aura sila.”

“Sa SM Aura, dami talagang artists d’yan. Free silang nakakagala for privacy. ‘Di masyadong pinapansin, kaya ikaw na lang ang mahihiya at respeto na rin.”

Sa kilos ng couple, napakasimple lang ng kanilang ginagawa, naglalakad habang kumakain sila pareho ng ice cream.

Makikita talaga sa kanila na napakatipikal na boyfriend at girlfriend na namamasyal sa mall.

Mukhang masaya naman si Kathryn Bernardo sa bago niyang karelasyon na si Mayor Mark Alcala.

Bad trip sa pambabastos kay Anne… ANGEL, GUSTONG PALUIN SI CONG. SUNTAY

ni Beth Gelena @Bulgary | March 5, 2026

Photo: FB Angel Locsin & IG _bongsuntay

Pinuna ni Ogie Diaz ang remarks ni QC Rep. Bong Suntay tungkol kay Anne Curtis dahil sa mga komento nito tungkol sa TV host-actress noong impeachment hearing sa Kongreso laban kay Vice-President (VP) Sara Duterte.

Inamin ni Suntay na minsang nakita niya si Anne sa Shangri-La, nagandahan siya rito kaya ‘nag-init’ siya at nag-imagine na ng mga puwedeng mangyari.

Dahil dito, umani si Suntay ng mga negatibong komento mula sa mga netizens at mga kapwa rin mambabatas.

Ani Ogie sa kanyang Facebook account, “‘Yung Congressman namin sa 4th district ng QC, sino kaya ang idol n’ya? Ba’t ganyan s’ya mag-imagine? Pang-inuman lang ‘yung nai-imagine mo, ‘di pang-Lower House (Mababang Kapulungan ng Kongreso). Dapat magigiting kayo r’yan. Puro facts, ‘di puro imagination.”

Bukod kay Ogie, umalma rin ang mga kapwa celebrities ni Anne na hindi nagustuhan ang mga binitiwang pahayag ni Cong. Suntay.

Prangkang sabi ni Lotlot de Leon, “OMG! At dapat ay isa kang statesman? Para pag-usapan pa ito nang malakas? Wala ka bang kahit kaunting kagandahang-asal?”

Nag-react din si Angel Locsin, “Anak ng tokwa. Saan ba ‘yung pamalo?”

Maging si Nadine Lustre ay pinuna ang komento ni Suntay at ang pagtawa sa loob ng silid, “May mga nakangiti at natatawa pa. Kadiri.”

Sabi naman ng mga netizens…

“Manyak ang congressman na ‘yan.”

“Namanyak si Anne Curtis.”

“Sign of being a DDS (Duterte Diehard Supporter).”

“Tar**tadong congressman na ‘yan. ‘Di dapat i-address na honorable, dapat ay ‘dishonorable’. ‘Yung statement is unparliamentary, unbecoming, uncalled for and unprofessional. Shame on you, Suntay.”

“Ano kaya ang reaction ng mama n’ya, asawa n’ya, mga anak n’ya at mga pamangking babae n’ya at mga kapatid na babae at mga hipag? Grabe! Ang bastos mo, Suntay.”

“Is he in his right mind? What about the wife? What did she say?”

“Bastos na matanda, walang delicadeza, may asawa’t anak na mga babae pa naman.”

“Kawawang Anne, walang kaalam-alam na pinagnanasaan pala s’ya ni Suntay.”

“Curious lang po, sa mga abogado, may tsansa po bang kasuhan ni Anne si Suntay? Just asking.”

Para sa akin, ang masasabi ko sa congressman na ito ay jusmio, utak-biya pala ang mambabatas na ito!

Ano kaya ang masasabi ng kanyang pamilya sa wild imagination niya na dapat ay sinarili na lang niya?

Tsk, tsk! Naturingan pa namang “JESUS MANUEL ANGEL” ang pangalan nitong si Suntay, pero walang GMRC! 

Dapat sa ‘yo, ipako sa krus, tutal malapit naman na ang Mahal na Araw. Grrr!!!

Sorry po, dear readers ng BULGAR, na-carried away lang po. Hehe!

Sex video niya, kumalat… “OKAY ‘YAN, NAKAKATULONG SA AKIN” — ARRON

ni Beth Gelena @Bulgary | March 4, 2026

Photo: IG _arronvillaflor05

Nagsalita na si Arron Villaflor tungkol sa kontrobersiyal na viral sex video na kinasasangkutan niya at maging nina Nikko Natividad, Ron Angeles at Gil Cuerva.

Nilinaw ng aktor na ang mga kumakalat na video ay mga eksena mula sa kanyang mga nakaraang proyekto sa Vivamax (VMX).

Ayon kay Arron, naniniwala siyang ang pagkalat ng mga bidyong iyon ay bahagi ng isang smear campaign. 

Sa kabila ng isyu, makikitang hindi nababahala ang aktor at patuloy sa kanyang karera.

Sa halip na ma-stress sa negatibong atensiyon, pinili ni Arron na tingnan ang ‘bright side’. 

Sey niya, “Ginamit pa ‘yung ‘Arron, meron ka raw scandal.’ Sabi ko, ‘Go! Ipakita ninyo sa akin. Eh, lahat ng ipinapakita nila, from my Vivamax projects. Ay, naku, napakarami po (ng smear campaign). It’s part of the political industry, so depende sa ‘yo on how you’re gonna react.”

“Okey ‘yan, nakakatulong sa akin,” na nagpapahiwatig na ang pagiging viral ng mga posts ay nagpapataas ng kanyang visibility.

Wala raw siyang pinagsisisihan sa mga nakaraan niyang proyekto at nakatutok sa pagpapalago ng kanyang karera.

---

PBBCCE 2 Big Winner… LELLA, MAY ATTITUDE NA RAW, NO SHOW SA IT’S SHOWTIME

ANG daming nagtatanong kung bakit no show ang dalawang winner na sina Lella Ford at Caprice Cayetano sa It’s Showtime (IS) nitong Monday.

Ang tanging naroon ay ang runner-up na sina Krystal Mejes, Joaquin Arce at Miguel Vergara.

Kaya sey ng mga netizens…

“Bakit kaya no show si Lella Ford sa It’s Showtime?”

“In my opinion, regardless of the bashing or issue after the big night, she should still show up. Una, Big Winner s’ya sa Kapamilya. Para tuloy n’yang itinapon ang boto sa kanya ng mga supporters n’ya. Second, ‘di lang din naman s’ya ang naging Big Winner na inulan ng bashing paglabas. Third, sabi nga ng mga fans n’ya ay mature s’ya, kaya dapat naintindihan n’ya ang buhay-showbiz na kahit na ano ang gawin, may masasabi at masasabi ang tao at nag-show-up pa rin s’ya. 

“Considered opportunities din ang mga shows na ito para sa kanya. Pumasok s’ya sa pagiging artista at sa PBB, kaya dapat ini-ready n’ya rin ang sarili n’ya sa mga ganitong bagay. Tingnan na lang din ang hate ng mga tao noon kay Eliza Borromeo nang una s’yang na-evict, pero nandu’n s’ya sa mga shows kung saan s’ya kailangan. Hinarap n’ya nang buong-tapang at may lakas ng loob.”

Hindi talaga matigil ang intriga kay Lella sa kanyang pagkapanalo.

Kuda pa ng ibang mga netizens, “Aba! May attitude na agad. Nag-confirm ba naman. Kung ganu’n, sasalang na naman si Mommy Karla (Estrada), s’ya na naman ang magpapaliwanag.”

Sey ng tagapagtanggol ni Lella, “Iba po ang ganap ni Lella, kinita n’ya ang mga fans n’ya. Isa pa, Kapamilya po si Lella kaya ‘di s’ya mai-interview agad sa Unang Hirit (UH) kasi s’yempre, dapat sa Kapamilya Network muna s’ya unang ma-interview.”

“Bakit may magagawa ba s’ya? As if s’ya ang pinakamagaling sa lahat ng mga housemates. ‘Yung ‘di n’ya gusto kasi sila ang magaling sa task, ibig sabihin n’yan, playing safe ang idol mo. Magaling ‘yan sa iyakan, period.”

Marami pang negatibong komento ang mga may disgusto kay Lella Ford. Kaya sabi ng mga bashers, tiyak daw na ang ina nitong si Karla Estrada ang sasagot sa mga ibinabato sa kanyang anak.

---

Kesa raw gumastos sa mga luxury bags…

KC, MAY BAGONG BILING LUPAIN SA PALAWAN

PROUD si KC Concepcion sa nabili niyang lupain sa San Vicente, Palawan na may magandang view at tanaw ang karagatan.

Para sa anak ng Megastar, mas mahalaga ang pangmatagalang pamumuhunan kaysa sa pansamantalang luho. 

Sa halip na gastusin ang pera sa mga designer bags, pinili niyang ilaan ito sa kanyang dream property, isang hakbang na nagpapakita ng disiplina, delayed gratification at tuluy-tuloy na pag-unlad.

Maingat at malinaw ang planong ginawa ni KC tungkol sa mga pag-invest sa real estate.

Kaya sey ng mga netizens, “Malayo ‘yun sa bayan ng Palawan, pero maganda talagang investment ang lupa.”

“Another investment of KC.”

“Worth it ang pag-hike ‘pag ganito kaganda ang view.”

“Oo nga naman, kaysa ibili ng mga designer bags, ipundar na lang ng lupa at properties. Mana pa ng gold na alahas, at least ‘yun, ‘pag wala ka nang pera, maibebenta mo pa.”

Pagdating sa pag-invest, hindi matatawaran ang kakayahan ni KC Concepcion bilang entrepreneur. Marunong siyang humawak ng pera at alam niya kung saan gagastusin ang pinaghirapan.