Elijah, friend lang daw talaga, Miles… KAKIE, INAMIN NA ANG BF

ni Beth Gelena @Bulgary | September 9, 2026

Photo: IG _frankiepangilinan

Dahil sina Elijah Canlas at Frankie “Kakie” Pangilinan ang magkasama sa pelikulang EDJOP, may bulung-bulungan na ang anak ni Sharon Cuneta ang dahilan kaya raw naghiwalay sina Elijah at Miles Ocampo.

Mariin naman itong pinabulaanan ni Kakie.

Sa panayam sa kanya ni Ogie Diaz, nabanggit ng host na napagkakamalan sila ng publiko na magkasintahan ng aktor.

“Napagkamalan pa kayo ni Elijah Canlas na magdyowa,” ani Ogie.

“Talaga po ba?” tugon naman ni Kakie.

At bilang paglilinaw sa isyu, isiniwalat ni Kakie na siya ay nakikipag-date sa isang non-showbiz guy.

Katunayan, napabalita na ngang boyfriend na raw niya ito.

Ayon sa anak nina Sharon Cuneta at Sen. Kiko Pangilinan, mas pinili muna niyang unahin ang kanyang pag-aaral sa New York bago pumasok sa isang seryosong relasyon.

“From before, no, not in any like formal capacity,” paglilinaw niya tungkol sa kanilang relasyon.

“I just felt like it wasn’t responsible to... it wasn’t something that was my priority there for a very long time, and I think school was my focus,” dagdag pa niya.

Ngayon ay masaya si Kakie sa kanyang relasyon at inilarawan niya ang guy bilang isang mabuting partner.

“He’s just... he’s wonderful!” ani Kakie.

“I didn't feel like anything was right or I didn't want to compromise, you know. I found actually the right... boyfriend,” deklara pa niya.

Hindi naman nagbanggit ang aktres ng name ng umano’y boyfriend niyang non-showbiz guy.

Tinapos din ni Kakie ang pag-uugnay ng kanyang pangalan kay Elijah.

Aniya, isang haka-haka lang iyon at nilinaw niya na walang anumang romantikong relasyon sa pagitan nila ni Elijah.

Tanging working relationship lang daw ang namamagitan sa kanila.

Maaaring nag-ugat ang espekulasyon sa kanilang pagsasama sa pelikulang EDJOP, kung saan kinailangan nilang gumawa ng mga romantic scenes.

Nauna nang ibinahagi ni Kakie na naging mahirap para sa kanya ang paggawa ng mga eksenang may romance dahil bago pa lamang siya sa pag-arte at wala pa siyang gaanong karanasan sa on-screen intimacy.

Mas naging komportable lang daw siya nang tumatagal ang kanilang shooting dahil mas nakilala na niya si Elijah hanggang sa nabuo ang kanilang pagiging malapit na magkaibigan.

Bukod kina Kakie at Elijah, kasama rin sa kanyang unang malaking proyekto ang mga batikang aktor na sina Jodi Sta. Maria, Cedrick Juan at Menchu Lauchengco-Yulo.

---

Dahil kay Vice…

DARREN AT BRENT, AFTER MAG-VIRAL ANG ASARAN ONLINE, HINAY-HINAY NA

HINDI na gaanong nagbibiruan sina Darren Espanto at Brent Manalo sa It’s Showtime (IS) nitong Lunes (September 7) matapos ang kanilang pag-uusap noong nakaraang linggo na pumukaw ng usap-usapan online.

Kasama ni Meme Vice Ganda sa pagho-host sa segment ng Miss Q&A Season 4: Reyna Talak-era 2026 sina Brent at Darren. Tinanong ni Meme ang dalawa kung ano ang kanilang ipinagdarasal para sa kanya dahil nagtamo siya ng pinsala sa paa habang naglalaro ng pickleball.

Sey ng singer, hangad niya ang mabuting kalusugan ni Vice.

Madamdaming sagot naman ang ibinigay ni Brent, “Ako, sa araw-araw na makita ng mga manonood ang kabutihan ng puso mo. Totoo ‘to, wala ‘tong halong ano.”

Dahil seryoso ang dalawang co-hosts, sinamantala ni Vice ang pagkakataon para asarin ang dalawa.

“So s’ya (Darren), ‘di totoo ang sinabi n’ya? May halong ano ba ‘yung kanya?” pagbibiro niya.

Natawa naman sina Darren at Brent, at sumagot ang una, “Okay lang,” dagdag naman ni Brent, “Ayaw ko nang makipag-away.”

“Magsisimula na naman ba tayo rito?” tanong ni Vice.

“Okay na ako,” sagot ni Brent.

Muling nagbiro si Vice kung paiinitin daw ba nilang muli ang social media. 

Noong nakaraang linggo, ang palitan ng salita nina Darren at Brent sa IS ay umani ng atensiyon online. 

Nag-umpisa kasi ang lahat nang 

magbigay ng compliment si Brent kay Darren sa pagsayaw nito.

Ani Brent, “Ang galing n’yang sumayaw. Halatang galing s’yang The Voice.”

May pagka-sarcasm ang sinabi ni Brent at sumagot si Darren, “Galing akong The Voice, kaya nga multitalented, ‘di ba?”

Wika naman ni Brent na grand winner sa Pinoy Big Brother Celebrity Collab Edition (PBBCCE), “Ako, subok na ‘ko sa hamon ng buhay dahil nanggaling ako sa PBB.”

Buwelta naman ni Darren, “Parang wala ka namang masyadong ganap du’n sa loob ng bahay,” sabay lapit kay Brent at sinabing, “Joke lang.”

Knows mo ‘yan, Will? MIKA, TUMAAS ANG STANDARD SA LALAKI DAHIL KAY BARBIE

ni Beth Gelena @Bulgary | September 8, 2026

Photo: IG _mikslmnc & _barbaraforteza

Napag-usapan ng dalawang aktres ng Saving Cherry (SC) na sina Barbie Forteza at Mika Salamanca ang standards sa pag-ibig nang maging guest sila sa The Bare It All podcast ni Dani Barretto, kung saan nagbigay ng matapang na hirit si Barbie sa mga lalaking hindi marunong mag-effort sa relasyon.

Ayon naman kay Mika, malaki ang naging impluwensiya ni Barbie sa kanyang pananaw tungkol sa pag-ibig dahil sa pagiging maalalahanin nito sa kanilang mga kaibigan at katrabaho.

“Kasi imagine mo, sa taping po, si Ate Barbie, isang beses lang namin sinabi sa kanya kung ano ‘yung favorite drink namin sa pag-o-order namin ng coffee, pero alam n’ya. Every time na nagte-taping kami, mayroon kaming naka-ready na mga coffee and drinks,” pagbabahagi ni Mika.

Dahil dito, napaisip si Mika kung bakit kailangan nilang mag-settle for less sa isang romantikong relasyon kung kaya naman ng kanilang mga kaibigan na ipakita ang ganitong uri ng pag-aalaga.

Aniya pa, “So sabi namin, kung kaibigan namin si Ate Barbie, na kayang gawin ‘yun, kung kaya naming gawin ‘yun sa isa’t isa, bakit kami magse-settle for less?”

Pinuri naman ni Dani ang pananaw ni Mika at sinabi niyang malaking bahagi ng pagmamahal at suporta ng isang tao ay maaaring manggaling sa isang kaibigan.

“Alam mo, ang ganda,” pakli ni Dani.

Dagdag pa niya, “Actually, most of the time, naibibigay naman talaga ng friends mo lahat ng kailangan mong love. It’s just s’yempre, iba naman ‘yung kasama mo hanggang pagtanda.”

Sey naman ni Barbie, “Actually, ang issue nga namin kasi, parang napakahirap kahit ‘yung bare minimum, ‘teh. Hirap na hirap kayo. Si Matt Damon nga, 20 years ‘di nakauwi. Went to

war. Kayo, bare minimum, ‘di n’yo kaya.”

Samantala, nagbigay din si Mika ng praktikal na payo sa mga lalaking gustong manligaw. Ayon sa kanya, maaaring matuto ang isang lalaki sa paraan ng pag-aalaga ng mga kaibigan ng babaeng nililigawan niya upang malaman kung anong uri ng effort at pakikitungo ang pinahahalagahan nito.

Sa kanilang pag-uusap, naging malinaw na hindi lamang malalaking romantic gestures ang nakaaapekto sa standards ng isang tao sa relasyon. Maging ang simpleng pag-aalala at pagiging maalalahanin sa araw-araw ay maaari ring maging mahalagang batayan.

---

ANNE, LIZ, GEORGINA, ISABELLE AT SOLENN, KINUWESTIYON SA PAGIGING INFLUENCER

NAGTATALO ang mga netizens kung sino ang mas maimpluwensiya kina Anne Curtis, Georgina Wilson at Isabelle Daza.

Sa isang post sa Threads (@), nagbigay ng kani-kanilang kuru-kuro ang mga netizens matapos magkomento ang isang mapagmasid na user tungkol sa tinatawag na ‘It Girls’.

Pansin daw niya, “Being on 2 magazine covers, 1 billboard and Belo endorsement means you were visible but it doesn’t automatically mean you influenced the masses. What fashion trend did Georgina Wilson or Isabelle Daza actually start that Filipino women followed? What exactly was their lasting cultural impact? 

“Especially back then, before social media made celebrities accessible to everyone. Calling someone an ‘It Girl’ is one thing. Calling them an influential cultural icon is a much bigger claim.”

Ayon sa nagkomento, hindi sapat ang pagiging visible sa mga magazine covers, billboard at endorsements para masabing malaki na ang naging impluwensiya sa masa.

Ibang usapan naman daw pagdating kay Liz Uy, dahil isa itong stylist at fashion editor na talagang may naging papel sa industriya.

Sey ng isang netizen, “Mas may basehan s’yang tawaging fashion tastemaker dahil sa trabaho n’ya sa fashion industry at sa paghubog ng visual image ng mga celebrities. Pero kahit ‘yun, ‘di pa rin nangangahulugan na lahat ng celebrity na kanyang na-style ay awtomatikong mass cultural icons.”

May isang netizen namang nagkomento tungkol sa isang iconic moment ni Anne Curtis kasama ang kanyang mga kaibigan:

“An iconic #AnneCurtis (@annecurtissmith) moment deserves equally iconic co-stars—her friends, the it girls #GeorginaWilson (@ilovegeorgina), #SolennHeussaff (solenn), #IsabelleDaza (@isabelledaza), and #LizUy (@lizzzuy).”

May ilan namang hindi sang-ayon sa patuloy na pag-feature sa naturang grupo.

Ayon sa isang commenter, “I’m tired of them. Lahat na lang, mukha nila.

Nakakasuka. Imagine sa billboards sila pa rin, sa endorsements ng coffee, banks, etc. It’s totally ridiculous talaga and I feel like they’re being overused to the point that no one wants them to appear in any endorsements anymore.

“This is why I can never really buy into the image of Anne Curtis—the fact that she stays friends with this circle. Problematic bawat isa, maybe except Solenn.”

Sumagot naman ang author ng post, “I can buy you, your friends and this club!” Hahaha! Ang taray ni Anne Curtis.”

May isa pang netizen na nagbahagi ng kanyang opinyon tungkol sa aktres-host.

Sey nito, “‘Di rin ako fan ni Anne. ‘Yung sobrang pasosyal sounding (like ‘yang vid na ‘yan and ‘yung tomato rin) masyado. Pa-alta effect na para bang affluent from the start. Of course, okey lang if not, but the way she talks kasi, ang layo kay Jasmine and I think, nauna pa nga si Anne here. Their mom din, super-simple and totoo lang. And ang tagal mo na sa Pilipinas, parang hirap pa rin mag-Tagalog or ‘di alam ‘yung ibang Tagalog words na very common. Ewan, also I agree na paano naging ‘It Girl’ si Liz Uy?”

Sa tingin ng nagkomento, mas makatuwirang sabihin na naging bahagi sina Anne, Georgina at Isabelle ng isang partikular na era ng Philippine celebrity at fashion culture. Nakatulong sila sa paghubog ng image ng isang aspirational, fashionable, socially connected at media-visible na uri ng celebrity.

Pero kung sasabihing cultural icons sila na malaki ang naging impluwensiya sa masa, dapat ay may maipakitang higit pa sila sa mga magazine covers, billboards, endorsements at pagiging fashionable, tulad ng isang trend na talagang kumalat at ginaya ng ordinaryong Pilipino o isang pagbabago sa paraan ng mga tao sa fashion at celebrity culture.

Parang ‘di raw pang-kasal sa church, pang-honeymoon na… RHEN, MINUKBANG NI JOSEPH, NETIZENS DIRING-DIRI

ni Beth Gelena @Bulgary | September 7, 2026

Photo: FB Circulated

Mainit na pinag-usapan online ang kissing scene nina Joseph Marco at Rhen Escaño sa finale ng kanilang seryeng My Husband Is a Mafia Boss (MHIAMB).

Sa eksena, ginampanan nina Joseph at Rhen ang mag-asawang sina Zeke at Aemie. Bahagi ito ng kanilang wedding scene sa seryeng napanood sa Viva One.

Nilinaw na ang kasal na makikita sa video ay bahagi lamang ng kuwento ng serye at hindi totoo.

Dahil sa paraan ng paghalik ng aktor sa eksena, marami ang nagkomento at nagbigay ng kani-kanilang opinyon. May mga netizens na nagsabing hindi nila nagustuhan ang style ng paghalik ng aktor, habang ang iba naman ay itinuring itong bahagi raw ng pag-arte.

Ilan sa mga komento… 

“Sana all, namukbang ni Joseph Marco. Hahaha!”

“Nakakadiri at ‘di naaangkop.”

“Parang sinadya para mapag-usapan.”

“Nakakatakot, ‘di nakakakilig. Hahaha!”

“Kadiri!”

“Sa Vivamax ba ‘to?”

“Ang lame rin ng director nito, ‘di man lang ipina-cut. LOL (laugh out loud). Halata namang panget tingnan sa camera.”

“OMG! Ang OA (overacting) naman ni Joseph Marco humalik, parang pang-honeymoon, hindi church kiss! ‘Kaloka! Parang ‘yung girl, ayaw na at na-OA-yan.”

“Yuck. Sa simbahan pa. Ew!”

“Ano bang context ng ganyang kiss? Wala namang ganyan sa kahit na anong kasal. Obviously, gustong mapag-usapan.”

“Considering na ‘kiss the bride’ moment s’ya, ‘di sweet kundi nakakadiring tingnan. At ‘yung follow-up kisses, parang hindi na siya part ng script, more on nag-e-enjoy na lang si guy.”

“‘Di ko alam ‘yang show na ‘yan until nag-viral nga ‘yung BTS (behind-the-scenes) na kiss. Napanood ko some clips, sobrang pabebe pala ni girl, tapos ‘yung guy ay boss-boss ang atake. Typical Pinoy film/show, parang common na rin ang story.”

---

Tapos na kay Alex… NETIZENS, TODO-PRAY NA BUNTIS NA TALAGA SI SARAH

NAG-REACT si Ogie Diaz sa mga usap-usapan tungkol sa pagbubuntis ni Sarah Geronimo. Umaasa ang vlogger-talent manager na magiging totoo ang haka-haka. 

Tumindi kasi ang pagkalat ng tsismis matapos sambitin ng kaibigan ni Matteo Guidicelli na ‘malapit nang maging tatay’ ang aktor sa isang post na ngayon ay burado na.

Sey nito, “P.S. He is soon to be a daddy. Congratulations, bro!”

Hindi pa kinukumpirma nina Sarah at Matteo sa publiko kung totoo ngang buntis ang Popstar Royalty.

Sey naman ni Ogie, may nakausap na siya para beripikahin ang impormasyon, ngunit iminungkahi niya na maghintay muna ang publiko para sa mas malinaw na kumpirmasyon.

“Kaya abang-abang na lang tayo kung magpapakita si Sarah habang lumalaki ang tiyan. Ating pagbati sa mag-asawang Sarah at Matteo Guidicelli,” aniya.

May lumabas pang paratang na maaaring lalaki raw ang ipinagbubuntis ng singer.

Sabi pa ni Ogie, “Kung anuman ang totoo, sana nga totoo ‘to kasi long overdue na ‘to dahil alam mo naman, lahat ay nagwi-wish na magkaanak na si Sarah, na magkaroon sila ng family ni Matteo.”

Aniya pa, “I’m sure ‘pag nakita ni Mommy Divine ‘yung kanyang apo kay Sarah, lahat ng mga sama ng loob, tampo, mawawala ‘yun. ‘Pag nakita talaga ‘yung apo mo.”

Well, sey nga ng mga netizens, “Lord, tapos na tayo kay Alex (Gonzaga), kay Sarah naman!” 

‘Yun, oh!