Hindi raw si Benjamin kundi si Alden… JULIE ANNE, UMAMING NAANING SA FIRST LOVE
ni Nitz Miralles @Bida | July 28, 2026
Photo: IG _myjaps
Naghulaan ang mga fans kung si Alden Richards ba o si Benjamin Alves ang tinukoy ni Julie Anne San Jose na first love niya na ‘nagpaaning’ sa kanya.
Nabanggit ito ng singer-actress sa podcast na TRGGRD!, short for triggered, hosted by Thea Astley, Sean Lucas, Jeff Moses, Vince Maristela, at Cheska Fausto.
First time inamin ni Julie na hindi right time sa kanilang dalawa ng guy ang magkaroon ng relasyon noong panahong ‘yun.
Aniya, “Naaning talaga ako. And then we both had the peak of our careers siguro. So,
parang inaway-away kasi s’ya ng mga fans yata. Siguro, naging factor din ‘yun na ‘Career muna ‘ko,’ ganyan. So, I thought we had a good thing.”
Mas marami ang naniwalang si Alden ang tinukoy ni Julie dahil ‘first love’ at hindi first boyfriend ang binanggit nito.
First boyfriend niya si Benjamin, pero si Alden ang first love niya. Hindi nga lang umabot sa pagkakaroon nila ng relasyon ni Alden dahil nagkagulo nga ang mga fans.
Nag-away-away sila at dahil mas sikat si Julie that time, inakusahan si Alden na ginagamit ang singer-actress.
Natatandaan namin, pumanaw ang mom ng aktor at ginamit ‘yun ng mga fans para i-bash si Alden, na sobrang naapektuhan. Isa ‘yun sa mga rason kung bakit nagkaroon ng isyu ang dalawa. Matagal silang hindi nagbatian at hindi nag-usap.
Natatandaan din namin na nabanggit ni Julie na nasa States siya nang magkagulo ang mga fans nila ni Alden. Pagbalik niya from the States, hindi na sila nag-usap at matagal na nagdedmahan.
Matagal din bago naging friends ulit sina Alden at Julie at ngayon, pareho na silang masaya sa kani-kanilang buhay. Nag-uusap na sila at okay na magkasama sa project.
May boyfriend na si Julie, samantalang si Alden ay naghahanap pa ng kanyang true love.
UMAPELA ng blood donors sa publiko si Martin del Rosario para sa ama niyang may sakit at sasailalim sa triple bypass surgery sa puso. Kailangan ni Martin at ng kanyang pamilya ng 16 blood donors para sa ama na si Robert del Rosario, na naka-confine sa Philippine Heart Center.
Nauna nang nagpasalamat si Martin sa magbibigay ng tulong at pinayuhan ang magdo-donate na mag-send sa kanya ng direct message para sa details kung paano makakapag-donate ng dugo.
Aniya, “IN NEED OF BLOOD DONATION. We are urgently looking for 16 blood donors for my dad who will be undergoing triple bypass surgery.”
Binanggit din ni Martin na kailangang 16 to 65 years old ang donor, at least 110 pounds, in good health, at must be feeling well.
Hopefully, may mga lumapit nang blood donors kina Martin para makatulong sa heart operation ng ama.
Aktres na fiancee, inirampa sa SONA 2026…
YASSI, OBYUS NA AYAW PAKAWALAN SI CONG. LUIGI SA HIGPIT NG KAPIT
FIRST public appearance ni Rep. Luigi Villafuerte at fiancée na si Yassi Pressman sa ika-limang State of the Nation Address (SONA) ni President Bongbong Marcos (PBBM) kahapon, July 27.
They make a lovely pair at ikinatuwa ng mga netizens ang paghawak ni Yassi sa braso ng fiancé.
Mahigpit daw ang hawak nito na tila hindi pakakawalan, at hindi siya bumitaw habang ini-interview si Cong. Luigi.
In fairness kay Yassi, tahimik lang siya sa tabi, nakinig lang sa mga sagot ni Rep. Villafuerte at hindi sumingit sa usapan.
Sa kanyang Instagram (IG), ipinost ni Yassi ang suot niyang Filipiniana sa SONA. Simple pero maganda ang kanyang suot at sinabayan ang simple ring Barong Tagalog na suot ng fiancé.
Comments