ni MC / Gerard Arce - @Sports | July 29, 2021
Dumating na sa bansa kagabi si Tokyo Olympics gold medalist Hidilyn Diaz kasama ang kanyang team lulan ng PAL flight 427 sa NAIA Terminal 2. Kasamang dumating ni Diaz si skateboarder Margielyn Didal kung saan ay awtomatiko na ring may slot sa Paris 2024 Games.
Sinalubong si Diaz sa paliparan nina PSC Commissioner's Celia Kiram at Charles Maxey bilang pagsunod sa IATF protocols ay ihahatid agad ang sports heroine ng IATF staff sa Sofitel Hotel kung saan siya mamamalagi para sa 7-day quarantine bago umuwi sa kanilang tahanan sa Zamboanga. "I'm really so happy that we finally nailed the Olympic gold. I had tears in my eyes during the medal ceremony. And we give credit to Hidilyn herself,"ayon kay Maxey. "We are proud to represent the Philippine Sports Commission and the Filipino people in welcoming back our first Filipino Olympic gold medalist. A Filipina! Babaeng matatag," ayon kay Kiram.
Pagkaway sa grupo ng media ng heroine ay idiniretso na ito sa kanyang tutuluyan alinsunod na rin sa itinerary ng DOH-IATF. Igugugol daw ng 30-anyos na si Diaz ang 7-day quarantine sa pagrerelaks kasama ang team HD at pag-uusapan ang mga planong training.
Samantala, si GoNegosyo founder Joey Concepcion ang nagsabi na aabot ng ₱100 million ang insentibo mula mahabang listahan ng commercial endorsements na naghihintay. "Believe me, I can see it, that will hit over ₱100 million. She's gonna be very wealthy, no doubt about that. Being the first gold medalist in the Philippines, every major brand will want to get her," aniya.
Habang isinusulat ito kagabi ay nakatakdang mag-usap via zoom sina Diaz at Pangulong Rodrigo Duterte.