HD, may dagdag na P5-M sa PSC; Nievarez, 5th place sa semis
- BULGAR
- Jul 30, 2021
- 2 min read
ni MC - @Sports | July 30, 2021
Maliban sa pagtatala sa kasaysayan sa naging panalo, gumawa rin ng record sa Olympics si Hidilyn Diaz noong Lunes ng gabi nang sungkitin ang unang gold medal ng Pilipinas sa Summer Games.
Pagkakalooban din ng dagdag na P5-M cash incentive ng Philippine Sports Commission si Diaz para sa Olympic record-breaking performance base na rin sa batas. Binuhat ni Diaz ang 127 kg sa clean and jerk para sa kabuuang 224 kg – isa Olympic record sa Women’s 55-kg class sa weightlifting.
Sa ilalim ng Republic Act 10699 o ang expanded incentives act, ang national athletes at iba pang atleta na bumasag ng PHL record o ranking sa kahit anong international sports competition ay tatanggap ng cash incentives base sa halagang itatakda ng PSC.
Kinumpirma ni PSC officer-in-charge, Commissioner Celia Kiram na ang dagdag insentibo ay inaprubahan na at handa nang i-release. Sa kabuuan, si Diaz ay tatanggap ng P20.5M mula sa Philippine government — P15M sa PSC sa pamamagitan ng incentives law — P2.5M sa Zamboanga kung saan sila nagmula, at P3M mula kay President Rodrigo Duterte.
Samantala, nakuha ni PH rower Cris Nievarez ang 5th place sa semifinal C/D 1 ng men’s single sculls classification phase sa 2020 Tokyo Olympics rowing regatta na ginanap sa Sea Forest Waterway kahapon.
Tumapos si Nievarez na may oras na 7 minutes, 26.05 seconds sa semifinal heat at nailipat sa Final D, labanan para sa 19th hanggang 24th places sa classification round sa Biyernes. Matatandaang natanggal ang 21-year-old na si Nievarez sa pagkuha ng medalya matapos mabigong umusad sa quarterfinal round noong Linggo.
Target magkaroon ng best finish sa Games, muling lalaban si Nievarez kontra kina Onat Kazali ng Turkey, Vladislav Yakovlev -Kazakhstan, Mohammad Al Khafaji-Iraq, Peter Purcell-Gilpin-Zimbabwe, at Husein Alireza-Saudi Arabia. Paglalabanan ang medalya sa men’s single sculls, women’s single sculls, men’s eight, and women’s eight sa final day ng rowing regatta sa Biyernes.
Comments