Happy daw na ikakasal na… BIMBY KINA KRIS AT MEL: DESERVE N'YO ANG ISA'T ISA. HAHAHA!

ni Julie Bonifacio - @Winner | October 28, 2021

Inawanan ng mag-inang Kris Aquino at Bimby Yap si dating DILG Secretary Mel Sarmiento pagkatapos magpasalamat sa lahat ng mga nag-congratulate sa engagement nila ng TV host sa video na naka-post sa Instagram nito yesterday.

“Salamat sa lahat ng bumati sa amin,” simpleng pahayag ng dating DILG secretary.

Kasunod nito ang malakas na tawa nina Bimby at Kris na nawi-weirdo-han sa ginawang pasasalamat ng kanyang fiancé.

“Yeah, pero…hahaha! Natatawa lang kami ni Bimb talaga. Kasi parang galit ka sa pag-thank you mo sa kanila,” natatawang sabi ni Kris.

Maririnig naman ang mahinang boses ni Mel na nagsasabing mahirap daw kasi on his part. And then, sinalo na siya ni Kris sa pagde-deliver ng thank you niya sa lahat ng mga bumati sa kanilang engagement.

“We want to just say thank you very much. We have been so touched with the overwhelming kindness and ‘yung ano po, parang the happiness that you have shown us, that we are happy.

Thank you. ‘Yun lang ang gusto naming sabihin na maraming-maraming salamat po dahil parang ‘yung kaligayahang nararamdaman ninyo para sa amin means a lot. And ‘yun, because people have been asking if you’re okay with us,” na ang tinutukoy niya ay ang bunsong anak na si Bimb who is seated beside her and in front of her fiancé over their dining table.

Say ni Bimb, “I’m very happy, of course. You two deserve each other. Hahaha!”

Ipinakita na rin ni Kris ang ibinigay na engagement ring sa kanya ni Mel. Although, maluwang daw ‘yung ring sa kanya dahil pumayat nga si Kris. At ‘yun na raw ang smallest size available.

Sa pagpapatuloy ng video, makikita na ang mag-inang Kris at Bimby na lang ang naiwan sa table. Wala na si Mel, at doon masinsinang tinanong ulit ni Kris si Bimby kung bakit napakadali raw pumayag ng kanyang anak na ma-engage na kay Mel.

“It’s…because he loves you, no agenda at all. And you can really tell he wants to take care of you, me and Kuya, you know,” sagot ni Bimby.

Ipinagdiinan pa ni Bimby that he can tell na sa tuwing tinitingnan daw si Kris ni Mel ay nag-i-spark ang mga mata ng dating mayor ng Calbayog.

Nagpasalamat si Kris sa sinabi ni Bimby. She also told her son na hindi magiging sila ni Mel kung hindi nag-"yes” sa kanya si Bimby. Kumbaga, may approval ni Bimby ang pagsagot ni Kris sa marriage proposal ni Mel.

“Basta, you can feel he genuinely loves you, Mama. I mean, hello, there’s two macho men in this house, hehe! Before, there’s one macho man, that’s me. And now, him and me. Kuya (Joshua) is the macho man in Tarlac,” pahayag ni Bimby.

Dagdag pa niya, “I love you, Mama. And we love Tito Mel.”

So, there.