Gusto pa, kasama si Dingdong… PIOLO, 49-ANYOS NA, GAME PA RING IDISPLEY ANG KATAWAN

ni Beth Gelena @Bulgary | October 16, 2026

Photo: FB Piolo Pascual PH

Seryoso si Piolo Pascual sa kanyang tungkulin bilang Public Affairs director ng Aktor PH, lalo na sa paghahanda para sa kauna-unahang Hybrid Games na gaganapin sa Nobyembre 8.

Sa paglagda ng Memorandum of Agreement para gawing pormal ang partnership ng Bench/Active at Aktor PH para sa 2026 Hybrid Games, sinabi ni Papa P na higit pa sa isang fitness competition para sa mga aktor ang one-day event. Aniya, layunin din nitong palakasin ang samahan at suportahan ang kapakanan ng mga miyembro ng Aktor PH.

Inanunsiyo rin niya na mayroon nang 1,200 kalahok na nakapila para sa event.

“Aktor PH is not just a community of actors. We’re here to help each other out in terms of welfare, in terms of inclusivity. So that they can have a home where they can say, ‘I’m part of this.’ 

“They can feel better that they’re not alone. And that’s what we want people to feel. We want them to feel empowered. We want them to feel that they’re not alone and that we’re here for each other. We’re already successful because a lot of people are participating. I just hope na lumaki pa itong community na ito with Bench and Aktor PH,” ani Piolo.

Dagdag pa niya, matagal nang pinag-iisipan ng Aktor PH ang mga programang magpapalawak sa presensiya ng grupo sa industriya.

Aniya, “This is a big thing for Aktor PH. Since six years ago, we’ve been thinking of programs and activities that can highlight the group and how we can further amplify the presence of the community in our industry. We’re just so happy that finally Bench said yes. 

“This has been happening for three years and they said yes to us to be a partner for this year’s games. We’re just so excited because Bench has also diversified from fashion then fitness and now athleisure.”

Ibinahagi rin ni Piolo na siya mismo ang lumapit kay Mr. Ben Chan upang muling maging bahagi ng Bench Body campaign noong nakaraang taon.

“Actually, I just joined them again last year because I personally approached Mr. Ben Chan if I could do a Bench Body because I was not getting any younger. Sabi ko, why not do it with Dingdong (Dantes) this year, ‘di ba, after ng Hybrid Games na ‘to, ‘noh! Gawa kami ng Bench Active na campaign. Puwede ba ‘yun? (laughs) Ito na ‘yung simula! Kasi ‘di na kami bumabata,” kuwento ng aktor.

Sa edad ni Papa P. na 49, handa pa rin pala nitong ipakita ang ganda ng kanyang katawan. 

Anyway, gaganapin ang Hybrid Games sa Space at One Ayala sa Makati City. May walong physical challenges na pagdaraanan ang mga kalahok, kabilang ang 400-meter run, wall balls, sandbag lunges, farmer’s carry, rowing, burpees, broad jump, sled pull and push.

Para matulungan ang mga kalahok sa kanilang paghahanda, nakipag-partner ang Aktor PH sa siyam na gym na magbibigay ng libreng training at simulation isang buwan bago ang kompetisyon.

May limang kategorya ang paligsahan – men’s solo, women’s solo, men’s doubles, women’s doubles at mixed doubles.

---

Echo at Carlo, knows n’yo na?

JANINE AT CHARLIE, PUMAYAG NA MAGING MAGDYOWA

MADALING tinanggap ni Janine Gutierrez ang alok na bumida sa Balaraw, isang mystery-thriller series ng Netflix kasama si Charlie Dizon.

Isa sa mga dahilan ng aktres ang grupong nasa likod ng proyekto, na gumawa rin ng pelikulang Babae at Baril, kung saan nakatanggap siya ng Best Actress award mula sa iba’t ibang award-giving bodies.

Sa kanyang Instagram (IG) Stories, ibinahagi ng aktres kung bakit agad siyang naengganyo sa proyekto matapos mabasa ang script.

Aniya, “And then when I saw the deck, when I saw the script, parang ‘yung script, even it was episodes of scripts, tatapusin mo siya in one reading kasi sobrang exciting, super page-turner, napaka-epic nu’ng kuwento. All of that, easy yes!”

Nagbigay din si Janine ng ilang detalye tungkol sa kuwento. Sa serye, nawawala ang kanyang inang si Rebecca, na gagampanan ni Agot Isidro. Apat na taon na niya itong hinahanap, ngunit unti-unti nang sumusuko ang mga taong tumutulong sa kanya, kabilang ang kanyang girlfriend at ninong. 

Sa kanilang paghahanap, hahantong sila sa misteryosong isla ng Balaraw.

Si Charlie naman ang gaganap bilang girlfriend ng karakter ni Janine.

“I play the role of Bulak, ang girlfriend ni Janine dito. Very stubborn pero very supportive. Iri-risk n’ya ang lahat para sa love n’ya,” ani Charlie, misis ni Carlo Aquino.

So, girl’s love pala ang tema ng bagong proyekto nina Janine at Charlie. Exciting nga ‘yan!