GRETCHEN, SUSTENTADO SI CLAUDINE NG GROCERIES

ni Beth Gelena - @Bulgary Files | December 5, 2020

Mula nang magkaayos ang magkapatid na Gretchen at Claudine Barretto, lagi na silang may komunikasyon.

Kamakailan, kinunan ni Claudine ng video ang mga groceries na ipinadala ng kanyang Ate Greta na knows naman ng lahat na pinakanakakaangat sa kanilang magkakapatid.

Very supportive si Gretchen sa bunso sa Barretto siblings na may sinusuportahang apat na anak. Though isa lang ang biological son ni Clau, si Santino, dahil mahilig siya sa mga bata, nag-ampon siya ng tatlo — sina Sabina, Quia at Noah.

Mula nang magkaayos ang magkapatid, naging mas malalim ang kanilang samahan. Gretchen helps Claudine as long as she can, at bilang ganti, ibinabalik ni Clau ang lubos na pagmamahal sa nakatatandang kapatid.

Sa ginawang video ni Claudine na kanyang ipinost, makikitang sandamakmak na groceries ang ipinadala nina Gretchen, long-time live-in partner Tony Boy Cojuangco at ng kanilang unica hija na si Dominique, para sa mag-iina.

Very grateful si Quia sa ibinigay sa kanila ng pamilya ni La Greta. Naagaw ang pansin ng mga netizens ng ipinakitang attitude ni Quia at puring-puri nila si Claudine dahil napalaki niyang mabubuti ang mga anak.

“Wow they’re so nice!!!” komento ng isa.

Pinasalamatan naman ng mga supporters ni Claudine si Gretchen dahil 'di pinababayaan ang kapatid.