Gilas Pilipinas, pang-world class — P-BBM

ni Mylene Alfonso @News | August 27, 2023

Itinuring ni Pangulong Ferdinand Marcos, Jr. na pang-world class ang Gilas Pilipinas sa pakikipaglaban sa Dominican Republic sa pagbubukas ng 2023 Fiba World Cup sa Philippine Arena na nasa Bocaue, Bulacan, kamakalawa ng gabi.

Ito'y bagama't tinalo ng Dominican Republic ang Gilas Pilipinas sa iskor na 87-81.

Sinabi ni Marcos na pinatunayan ng Gilas Pilipinas na ang Filipino athleticism ay pang-world class.

“A valiant effort by Gilas Pilipinas! Already you have proven that Filipino athleticism is world class,” ani Marcos.

“The nation stands in full support of your 2023 FIBA World Cup journey. Congratulations as well to every attendee who helped set a new crowd record!” pahayag ng Pangulo.

Samantala, hawak naman ngayon ng Pilipinas ang world record na may pinakamaraming nanood sa World Cup na umabot sa mahigit 38,000 katao kumpara sa Toronto, Canada na nasa 32,000.