Pia, Alan at Lani, sapul... Wala na dapat Cayetano sa 2028 — Lino

ni BRT @News | October 28, 2026

Photo: Acting Press Secretary Lino Cayetano - PCO

Walang planong tumakbo sa 2028 elections si Presidential Communications Office (PCO) Secretary Lino Cayetano.

Muli ring iginiit ng nakababatang kapatid nina Senador Alan Peter at Pia Cayetano na walang miyembro ng kanilang pamilya ang dapat kumandidato sa susunod na halalan upang mabigyang-daan ang mga bagong lider. 

Bukod sa magkapatid na senador, alkalde naman ng Taguig ang misis ni Alan na si Lani.

“Not because hindi makakapag-ambag ng maganda ang mga Cayetano, pero kailangan na rin natin tigilin and putulin 'yung pagpapatakbo ng mga dinastiya sa ating bayan,” ani Cayetano sa isang panayam.