Giannis, Lebron at Durant mga bida ng Heat, 76ers at Rockets

ni Anthony Servinio @Sports | November 20, 2026

Photo: Todo bantay kay Jaime Jacquez Jr., ng Milwaukee Bucks si Klay Thompson ng Miami Heat sa laban nila sa NBA. (AlJazeera)
Nagpasikat si Giannis Antetokounmpo para itulak ang Miami Heat sa 137-130 panalo sa kanyang dating koponan Milwaukee Bucks sa NBA kahapon sa Kaseya Center.
Sumosyo ang Philadelphia 76ers sa liderato ng liga nang magwagi sa Orlando Magic, 121-116, kasabay ng 109-97 paggulat ng Utah Jazz sa Los Angeles Lakers.
Ito ang unang tapatan ni Giannis sa Bucks, ang kanyang tahanan ng 13 taon simula 2013, matapos lumipat noong Hulyo at nagbagsak ng 27 puntos at 14 rebounds habang 9 ang isa pang dating Milwaukee Bobby Portis. Ang limang binigay ng Miami sa transaksiyon - Kasparas Jakucionis, Nate Ament, Tyler Herro, Jaime Jaquez at Kel'El Ware ay nagsama para sa 58, 14 rebounds at 15 assists.
Mula roon ay sinigurado nina LeBron James at Anfernee Simons ang resulta at umakyat sila sa 13-3 at wagi sa huling 4.
Dinaig ni MVP Shai Gilgeous-Alexander ang pinsan Nickeil Alexander-Walker, 34-19, subalit sa huli ay napunta kay NAW at Atlanta Hawks ang 117-112 panalo sa Oklahoma City Thunder. Gumawa ng 33 si Cooper Flagg para manaig ang Dallas Mavericks sa Golden State Warriors, 116-94.
Bumida si Kevin Durant na may 21 sa 119-104 tagumpay ng Houston Rockets sa Indiana Pacers. Humabol ang Denver Nuggets para mabigo ang Boston Celtics, 105-101.





Comments