76ers ni LBJ at OKC ni SGA sumiklab sa opener

ni Anthony Servinio @Sports | October 22, 2026

Photo: Nag-chest bump sa tuwa sina Jaylen Brown at Tyrese Maxey nang magwagi ang Philadelphia 76ers laban sa defending champion New York Knicks sa unang salvo ng NBA regular game kahapon. (nbapix)

Lumikha agad ng ingay sina LeBron James at Philadelphia 76ers at tinalo nila ang World Champion New York Knicks, 106-100, sa unang araw ng NBA 2026-27 sa Madison Square Garden kahapon. Pumulot din ng panalo ang Oklahoma City Thunder sa San Antonio Spurs, 116-104, at Detroit Pistons sa Boston Celtics, 121-113.

Bumira ng 3-points si Karl-Anthony Towns upang lumapit ang Knicks, 98-100. Subalit pinasahan ni Joel Embiid si BJ Edgecombe para sa dunk at sinundan ng agaw at salpak ni Tyrese Maxey at 1:52 pa sa orasan, 104-98.

Huling hirit ng NY ang shoot ni Jalen Brunson at tinuldukan ni LBJ ang laban sa dalawang free throw para magtapos na may 14 puntos. Nanguna sa Philly sina Maxey na may 28 at Jaylen Brown na may 19.

Bago ang laro, ginawaran ang Knicks ng mga singsing bilang tanda ng kanilang kampeonato noong Hunyo. Tinalo nila ang Spurs, 4-1, para wakasan ang 53 taong paghihintay para sa pangatlong titulo ng prangkisa.

Nakabawi ang OKC sa Spurs, ang bumigo sa kanila sa huling Western Conference Finals. Nagtala ng 32 si MVP Shai Gilgeous-Alexander para sa Thunder habang 18 si kabayan Dylan Harper para sa SA.

Nagising ang Pistons sa huling quarter sa maagang tapatan ng 2 may pinakamataas na kartada sa East noong nakaraang torneo.

NU Bulldogs nasa top spot na, lakas ni Alfanta gumana

by Gerard Arce @Sports News | October 19, 2026

Photo: Dumale ng layup shot si Reinhard Jumamoy ng NU Bulldogs habang nakadepensa si Luke Felipe ng FEU Tamaraws sa yugtong ito ng laban sa UAAP Season 89 men's basketball tournament na idinaos sa Ateneo Blue Eagle Gym sa Quezon City kahapon. (Joaqui Flores/UAAPMedia)

Nilimitahan ng NU Bulldogs ang opensiba ng FEU sa second half kabilang ang 7 puntos lamang sa 4th period upang makuha ang 69-65 panalo tungo sa pagkopo ng top spot kasunod ng mahusay na laro ni Mac Alfanta sa pagtatapos ng first round action ng UAAP Season 89 men's basketball tournament sa Ateneo Blue Eagle Gym sa Quezon City.

Trinabaho ng husto ng Bulldogs na baklasin ang kalamangan ng Tamaraws sa 2nd half na halos kontrolado ang takbo ng laro sa first half kasunod ng 47-39 sa halftime. Nagawang pangunahan ni Alfanta ang opensa ng Bulldogs sa itinalang 14 puntos kasama ang 2 rebounds at assist para dalhin sa 5-2 rekord ang NU.

“Yung first half sobrang panget ng laro namin. Ginising lang kami ni coach Jeff sa dugout na kailangan na trumabaho kami at thank God na nakuha namin dahil talagang trinabaho namin maging number one kami,” pahayag ng 20-anyos mula Digos City, Davao del Sur sa mahigit 29 minutong inilaro.

Hawak ng NU ang liderato, na katabla ang UP Fighting Maroons sa parehong marka, ngunit nagawang talunin ng NU ang Katipunan squad sa 72-64 sa first round.

Kinatay na sa PBA ang Macau Giant Pandas

ni Anthony Servinio @Sports | October 15, 2026

Photo: Wala nang kasiguruhan kung iimbitahin pang maglaro ng PBA ang team ng Macau Giant Pandas. (pbapix) 

Nabilang na ang mga araw ng Macau Giant Pandas sa PBA. Kung titingnan ang ipinapakita ng bisitang koponan sa kanilang mga nakaraang laro, marahil ito na ang huling pagkakataon na masisilayan sila sa liga.

Noong Martes ay giniba sila ng defending champion TNT Tropang 5G, 142-87. Mula nang bumalik ang PBA pagkatapos ng Asian Games ay natalo rin ang Macau sa NLEX Road Warriors, 78-138, at Terrafirma Dyip, 127-146.

Wala na rin sa listahan ng Pandas ang ilan sa pangunahing manlalaro at dumarating na 9 o 10 lang sila. Pati si Coach Marcus Elliott ay hindi na nagpakita at hinawakan ang koponan ng Filipino assistant Raymond Tiongco.

Habang nakapahinga ang PBA at naglipatan sa ibang koponan sa ibang liga ang mga bituin ng Macau. Nagbago rin sila ng import na si Oscar Lopez.

Nagpahayag si Commissioner Willy Marcial na hindi na iimbitahin ang Pandas. Matapos nilang maglaro sa Commissioner's Cup ay humingi ng pangalawang pagkakataon ang koponan sa Governors Cup sabay pangako na magpapalakas sila.

May mga senyales bago niyan. Ilang araw bago ang laro ng Macau sa TNT ay inutos ni Commissioner Marcial na ilipat ito sa 5:15 mula sa orihinal na 7:30.

Nagtala ang noon ay Macau Black Knights ng kartadang 3-9 sa Commissioner's. Kasalukuyang 2-9 ang Pandas papasok sa kanilang maaaring huling laro sa PBA ngayong Biyernes kontra Converge FiberXers.