GF, Outstanding Asian Star 2023…"WALANG MAS DESERVING PA KUNG HINDI SI KATHRYN LANG" — DANIEL

ni Vinia Vivar @Frankly Speaking | September 23, 2023

Habang tumatanggap ng kanyang Outstanding Asian Star award si Kathryn Bernardo sa 2023 Seoul International Drama Awards (SDA) sa South Korea last Thursday, Sept. 21, for 2 Good 2 Be True ay lumipad naman patungong Madrid ang boyfriend at ka-love team niyang si Daniel Padilla.

Nagtungo ang aktor sa Spain para sa isang special endorsement at isinama niya ang mga kapatid na sina JC, Carmella and Magui.

Magsisilbing bonding time na rin nilang magkakapatid ang nasabing trip.

“It is their first time, makapunta sa Spain. My brother, matagal na pangarap and my sisters naman, mahilig mag-travel. First time namin magkakasama,” sey ni Daniel sa panayam ng ABS-CBN News.

Proud na proud naman ang aktor sa award na natanggap ng girlfriend sa South Korea.

“For the entire cast, it is an achievement. Sa lahat ng dedikasyong ibinibigay niya sa trabaho, walang mas deserving pa kung hindi si Kathryn lang. I’m very proud. Siyempre, representative ng Philippines,” sabi ni Daniel.