GF ni Edu, tanggap na… CHERRY PIE, IPINAKILALA NA NI LUIS BILANG BAGONG KAPAMILYA

ni Nitz Miralles - @Bida | January 08, 2022

Hindi lang basta tanggap ni Luis Manzano ang girlfriend ng ama niyang si Edu Manzano na si Cherry Pie Picache, itinuturing na rin ni Luis na kapamilya ang aktres.

Batay ito sa introduction ni Luis sa GF ng ama nang mag-guest sa magbabalik na I Can See Your Voice.

Ang ganda ng ngiti ni Cherry Pie nang ipakilala siya ni Luis bilang “Ang pinakabagong dagdag sa Manzano family” na ikinatuwa ng mga nasa taping.

Bukas na, January 9, ang pilot ng fourth season ng show, kaya kung gusto n'yong mapanood at mapakinggan ang intro ni Luis kay Cherry Pie at kung gusto n'yong makita ang magandang ngiti ng aktres, panoorin ang pilot ng I Can See Your Voice.

Walang problema sa kani-kanyang mga anak sina Edu at Cherry Pie dahil tanggap ang relasyon nila. Noong New Year, ang anak naman ni Cherry Pie na si Nio ang kasama ni Edu dahil sa bahay ng aktres yata nag-spend ng New Year ang BF niya.