GARY V., UMAMING NA-EXPOSED SA COVID POSITIVE, NAG-QUARANTINE

Julie Bonifacio - @Winner | March 28, 2021

Ikinuwento ni Mr. Pure Energy Gary Valenciano sa kanyang YouTube channel ang pinagdaraanan nila ng misis niyang si Angeli Pangilinan ngayon.

Magkahiwalay sila ni Angeli after a long time that they've never been separated sa ilang dekada ng kanilang marriage.

Naka-quarantine pa rin daw si Angeli habang ginagawa niya ang kanyang vlog, habang si Gary naman ay nag-self-quarantine sa kanyang music studio sa bahay nila ni Angeli.

"Yeah, Angeli, my wife has been tested positive after a re-run of her tests," panimula ni Gary.

"Kasi ganito 'yun, 'no? Uhm, I was exposed and so were the other two that work in this house. They were exposed. I can't go on the detail but it's really hard and it’s almost impossible to trace where it came from."

Na-exposed daw si Gary sa mga nag-positive sa COVID for five to seven minutes which is 'di naman daw sapat para magkaroon din siya.

"I'd just like to encourage all of you and make you know that my wife has a mild case of it. She's not showing any symptoms whatsoever."

Pati raw 'yung mga staff nila sa bahay ay hindi naman nakitaan ng matitinding symptoms ng COVID.

Ang nakakaalarma ay kung si Gary V. mismo ang mag-positive sa COVID. Alam naman ng marami na he's Type 1 diabetic at may hypertension din. May maintenance na gamot na rin daw siya everyday.

At noong 2018, nagkaroon siya ng cancer sa kidney (surgery operation twice) at naoperahan sa puso last 2018.

Pero nag-PCR test na raw siya three days ago just to give him a peace of mind. Then, in the next four days ay kukunan ulit siya ng test. At kahit maging negative raw ang result sa test niya, magku-quarantine pa rin siya for 14 days.

'Yan din ang panawagan ni Gary sa lahat ng nagkaroon ng exposure sa mga nag-positive sa COVID.

As for Angeli, 'wag na raw mag-alala ang mga nababahala sa kalagayan ng misis niya. Okey daw si Angeli at nagpe-Facetime raw sila once in a while.

"Somehow it made the bond even stronger because I do miss having her with me. But I'm thankful that our children are around," lahad pa ni Gary.

Lastly, nagpasalamat si Gary sa pagbuhos ng panalangin at pagmamahal sa misis niya.