Game maka-work ang ipinalit sa kanya ng ex… JERIC, HAPPY PARA KINA RABIYA AT JAKE

ni Janiz Navida @Showbiz Special | July 27, 2026

Photo: IG _jericgonzales07 & _rabiyamateo

Video na pakakasalan ang girl, kumalat…

JERIC AT PRODU SA MOVIE, UMAAKTING LANG DAW

Determino ang lady producer ng A&S Productions na si Ms. Sucil Nipa na gumawa ng mga de-kalidad na pelikula dahil malaki raw ang paniwala niya na magagaling na aktor ang kanyang nakuha para magbida sa mga pelikulang naka-line-up gawin ng kanyang production company.

Sa ginanap na movies launching ng A&S Productions sa Manila Hotel last Thursday, dumating nga ang ilang big stars ng industriya sa pangunguna nina Ms. Tessie Tomas, Bembol Roco, Jay Manalo, Art Acuña, Jeric Gonzales, Kristoffer Martin, Kaleb Ong, at Direk Joel Lamangan upang mag-represent sa mga pelikula nila under A&S Productions.

Una nang natapos actually ‘yung Senior Moments na bida sina Ms. Tessie, Nova Villa and Noel Trinidad at palabas na this August 2026.

Susunod namang ipapalabas on September ang Deadly Hours na pinagbibidahan nina Bembol Roco at Jay Manalo na gumaganap na mag-ama sa movie.

Si Kristoffer ay bida naman sa The Death Wish, habang si Jeric ay dalawang pelikula ang gagawin, ang A Doctor's Prayer kasama si Art Acuña at Hello, Mr. Chen kasama ang award-winning actor-director na si Direk Joel Lamangan.

Of course, super happy si Jeric na 2 movies ang ipinagkatiwala sa kanya ni Ms. Sucil, na minsan nang na-link sa kanya matapos mag-viral ang video na sweet sila at tinatanong siya ng producer kung pakakasalan ba niya ito, na sinagot lang niya ng “Darating tayo d'yan.”

Walang naging pahayag si Jeric about sa video pero si Ms. Sucil ang sumagot na nagwo-workshop lang daw sila that time. May nagkalat lang ng video na ginawan ng malisya ang eksena nila, ayon pa sa produ.

Hindi na namin tinanong si Jeric about sa controversial video dahil nagpasabi na ang handler niya under Sparkle na no personal questions. So, na-gets na naming ayaw nilang pag-usapan ito.

Kaya nang ma-one-on-one interview namin si Jeric, ang kinumusta na lang namin sa kanya ay ang hiwalayan nila ni Rabiya Mateo, na ngayon ay haping-happy na sa BF na si Jake Cuenca.

Sabi ni Jeric, maayos ang naging hiwalayan nila ni Rabiya at bagama't ‘di pa sila nakakapag-usap uli ay open naman daw sila sakaling may kailangan sila sa isa't isa.

Nakikita rin daw niya ang mga sweet photos at video reels nina Rabiya at Jake sa

socmed at masaya siya para sa dalawa.

Hindi raw niya personal na kilala si Jake pero alam niyang magaling na aktor ito kaya kung mabibigyan sila ng chance na magkasama sa isang project ay very much willing siya.

Thankful si Jeric sa opportunity na ibinigay sa kanya ni Ms. Sucil at this time, mas magpo-focus daw siya sa kanyang acting career kesa sa love life.

Well, sana nga dahil sayang, guwapo na ay magaling pang aktor si Jeric, pero bakit nga ba mas maingay ang love life niya kesa sa performance niya bilang aktor?

Good luck naman to Ms. Sucil at sana nga, maging big success ang pagpasok niya sa movie production.

---

AKTOR, NABUNTIS ANG TAGA-PRODUKSIYON NG SERYE, TANGGAP PA RIN NG DYOWANG AKTRES

BLIND ITEM:

Kalat na pala ngayon at marami nang nakakaalam na nabuntis ng isa sa mga aktor sa serye ang isa sa mga bossing sa production. Nagkasama sa isang nagtapos nang serye ang dalawa at mukhang du'n sila na-develop sa isa't isa dahil sa halos araw-araw nilang taping.

Ang siste, may dyowang aktres ang aktor at matagal na ang kanilang relasyon. Kaya naman nang papiliin ng nabuntis na girl si aktor, siyempre ay si dyowang aktres pa rin ang pinili niya.

Dahil mahal din talaga ng aktres ang aktor, tinanggap pa rin niya ito, pero may kapalit nang kondisyon.

From now on, siya na ang hahawak ng pera ng aktor at sa kanya rin manggagaling ang sustento nito sa nabuntis na girl na malapit nang manganak.

Naku, ‘wag n'yo na akong tanungin sa clue, pahulaan na lang natin sa mga manghuhula d'yan sa Quiapo. Char!!! ‘Yun na, mga Ka-Bulgar!!!