Galit daw sa kanya at ayaw siyang makasama…CLAUDINE, AYAW PATULAN NI ANGELU

ni Julie Bonifacio @Winner | January 31, 2024

Pinag-uusapan ‘di lang sa social media kundi pati na sa mga showbiz umpukan ang isyu ni Claudine Barretto kay Angelu de Leon na nabulgar sa party ng pamilya ni Gladys Reyes.

Siyempre, may positive at negative reaction ang mga netizens sa ibinulgar ni Clau na sama ng loob niya kay Angelu na isa nang konsehal sa Pasig City.

Naisulat na namin dito sa aming kolum sa BULGAR ang dahilan ng pagtanggi ni Claudine na makatrabaho si Angelu.

Naikuwento rin ni Claudine sa amin na may insidente na nilapitan siya ni Angelu pero iniwasan niya.

Ayon kay Claudine, “Kaya nu’ng nagkita kami dati, hindi ko siya pinansin nu’ng last time na nagkita kami noon, last time nu’ng Etiquette (Etiquette For Mistresses movie) pa, sa Podium.”

Ang Etiquette For Mistresses ay pelikula ni Claudine kasama sina Kris Aquino, Iza Calzado, Cheena Crab at Kim Chiu na ipinalabas noong September, 2015.

Hindi raw sila nag-isnaban.   

Say ni Claudine, “Lumapit siya, I walked away.”

Alam daw ni Angelu ang dahilan ng pang-iisnab sa kanya ni Claudine.

“Alam niya. I was trying to call her, eh, after nu’ng two incidents na ‘yun,” kuwento pa ni Claudine.

Hindi raw sumagot si Angelu sa mga tawag niya.

When we asked Claudine na baka naman may ‘something' si Angelu sa kanya, sagot ng aktres,  “Problema na niya ‘yun. Hindi ko na alam kung saan.”

Hindi rin daw close si Angelu sa mga kapatid ni Claudine.

“Hindi siya kilala ng mga kapatid ko,” diin ni Claudine.

Nag-private message kami kay Angelu para kunin ang kanyang panig pero praying hands emoji lang ang ipinadala niya sa amin.

“You know I love you Tita Julie,” sabi niya sa amin.

Inirespeto naman namin ang reaksiyon ni Angelu. Mas mabuti na nga siguro na 'wag na lang niyang sagutin si Claudine, kaya inunawa na lang namin ang pananahimik niya tungkol sa isyu nila.

Tugon pa ni Angelu sa amin, “Thank you for understanding! Love you. I also pray for peace and healing.”