Galing lamay... SUV nag-dive sa bangin, driver dedo

ni Mai Ancheta @News | September 28, 2026

Photo: Circulated / SS

Patay ang isang 29-anyos na drayber habang sugatan ang edad 39 na pasahero nito matapos mahulog sa may kalalimang bangin ang kanilang sinasakyang SUV sa Brgy. Ampucao, Itogon, Benguet.

Batay sa report ng Itogon Police, pauwi na ang mga biktima matapos dumalo sa lamay ng kanilang kamag-anak sa Brgy. Ampucao nang magyari ang insidente.

Habang binabagtas ng mga biktima ang Baguio-Philex Road, nawalan umano ng kontrol sa sasakyan ang driver, na naging dahilan para lumihis sa highway at mahulog sa bangin na nasa 80 metro ang lalim.

Dead-on-the-spot ang driver ng SUV habang sugatan ang pasahero nito na nagtamo ng mga pinsala sa katawan at agad na dinala sa Baguio General Hospital and Medical Center.