Mga sasakyan, tindahan, inararo... 3 nadale sa trak

by BRT @News | November 8, 2026

Photo: Circulated / Brgy. Mahayahay, Maasin City, Southern Leyte

Sugatan ang tatlong katao, kabilang ang isang 2-anyos na bata, matapos araruhin ng trak ang mga nakaparadang sasakyan at isang tindahan sa Brgy. Mahayahay, Maasin City, Southern Leyte, nitong Biyernes, Nobyembre 6.

Sa kuha ng CCTV, alas-3:40 ng hapon, unang nabangga ng trak ang mga motorsiklo at isang pick-up bago tuluyang sumalpok sa tindahang nagsisilbi ring kainan.

Dalawang babaeng nagluluto ang napaso matapos matalsikan ng mainit na mantika, habang nagtamo naman ng minor injury sa ulo ang batang nasa loob ng tindahan.

Ayon sa imbestigasyon ng Maasin City Police Station, patungo sa bayan ng Sogod ang trak mula sa Maasin City proper nang mawalan umano ng kontrol ang drayber sa kurbadang bahagi ng kalsada dahil sa madulas na daan dulot ng pag-ulan.

Jeep bumaligtad, 2 todas, 32 sugatan

by BRT @News | November 2, 2026

Photo: Bumaligtad ang isang jeep sa Tinambac, Camarines Sur - Circulated / Bikolanang Agta

Dalawang katao ang nasawi habang 32 iba pa ang nasugatan matapos bumaligtad ang isang jeep sa Tinambac, Camarines Sur, nitong Sabado, Oktubre 31.

Ayon sa mga awtoridad, biyaheng Naga City patungong Siruma, Camarines Sur ang jeep nang sumabog ang isa sa mga gulong nito.

Dahil dito, nawalan ng kontrol ang drayber at bumaliktad ang sasakyan sa pakurbadang bahagi ng kalsada sa Brgy. Binalay.

Nasa kustodiya na ng Tinambac Municipal Police Station ang drayber habang nagpapatuloy ang imbestigasyon sa insidente.

Trak sumalpok sa van, helper dedbol

ni Mervin Reyes @News | October 30, 2026

Photo: Circulated / GMA SS - Peewee Bacuno Stringer

Nasawi ang isang 42-anyos na truck helper habang sugatan ang driver matapos bumangga ang kanilang trak sa isang Isuzu refrigerated van sa Atimonan, Quezon, nitong Miyerkules ng gabi.

Ayon sa ulat ng Quezon police nitong Huwebes, binabagtas ng trak ang pababang kurbadang bahagi ng diversion road sa Brgy. Malinao Ilaya alas-8:15 ng gabi nang mawalan umano ng kontrol ang drayber dahil sa basa at madulas na kalsada.

Lumampas sa kurbada ang trak at bumangga sa kasalubong na refrigerated van.

Kapwa nagtamo ng malubhang pinsala ang driver at helper at isinugod sa Doña Marta Memorial District Hospital sa bayan ng Atimonan. Gayunman, idineklarang dead-on-arrival ang helper.