Foreign athletes, positibo sa COVID-19 sa Winter Olympics test

ni MC - @Sports | November 14, 2021

Iniulat ng China nitong Biyernes ang unang kaso ng COVID-19 na nasuri sa mga dayuhang atleta bilang preparasyon sa nalalapit na Beijing 2022 Winter Games sa Pebrero bilang unang stringent measures upang makontrol ang outbreak nito sa event.

Dalawang player ng lugers na may isang nationality ang nagpositibo, ayon kay Huang Chun, opisyal ng Games organising committee. Nailipat na ang 2 sa quarantine hotels, aniya sa news briefing sa Chinese capital. Ayon sa Beijing vice mayor, isang malaking hamon ang coronavirus sa pag-host ng bansa sa naturang Games. Kapag nagkaroon ng outbreak sa Games, malaking dagok ito sa track record ngayon ng China na napananatili ang zero-tolerance approach sa pagtalima laban sa virus.

Ang Games ay magsisimula sa Peb. 4 hanggang 20 kung saan lahat ng kalahok ay araw-araw sasailalim sa COVID-19 tests at bawal ang audience mula sa ibang bansa. Lahat ng atleta at games personnel ay mananatili lang sa "closed loop" bubble. Mag-isa lamang ang indibidwal sa silid, solong kakain at sasakay sa service vehicle.