Flood control scandal, posibleng yanigin pa ng mga bagong pasabog ni Manong Chavit matapos ang pag-aresto sa kanya

ni Pablo Hernandez @Prangkahan | June 13, 2026

DAPAT TIGILAN NA NI PUBLIC SCHOOL TEACHER BARRY TAYAM ANG PAG-EPAL SA BANGAYAN NG MGA SENADOR SA SENADO — Matapos ibasura ng Supreme Court (SC) ang quorum petition ni public school teacher Barry Tayam na pumapabor sa Gatchalian bloc, sinabi nitong maghahain siya ng motion for reconsideration upang hilingin sa SC na kilalaning legal ang pagkakatalaga kay Sen. Sherwin Gatchalian bilang Senate President Pro Tempore at acting Senate President.

Hay naku, dapat nang tigilan ni Mr. Tayam ang pakikialam sa isyung ito. Hindi naman siya senador pero nakikisawsaw pa siya sa bangayan sa loob ng Senado. Boom!

XXX

DAPAT DUMULOG NA SA SC SI SEN. CAYETANO PARA HILINGIN NA MAGLABAS NA NG DESISYON KUNG SINO SA KANILA NI SEN. GATCHALIAN ANG TOTOONG HEAD NG SENADO — Sa mga media interview at maging sa kanyang vlog sa social media, madalas sabihin ni Sen. Alan Cayetano na siya pa rin ang Senate President. Ngunit ang masaklap, hindi na siya ang kinikilala ng Malacañang, ng House of Representatives, ng Land Bank of the Philippines (LBP), ng Senate Office of the Sergeant-at-Arms (OSAA), at maging ng mga tanggapan sa Senado bilang pinuno ng Senate of the Philippines, kundi si Sen. Gatchalian bilang Senate President Pro Tempore at acting Senate President.

Dapat nang dumulog si Sen. Cayetano sa Korte Suprema at kuwestyunin ang liderato ni Sen. Gatchalian sa Senado upang tuluyan nang malutas ang isyung ito kung sino nga ba talaga sa kanilang dalawa ang tunay na pinuno ng Senate of the Philippines. Period!

XXX

DAHIL SA PAG-ARESTO SA KANYA, TIYAK NA RERESBAK SI MANONG CHAVIT PARA HUBARAN NG MASKARA ANG MGA MASTERMINDS SA FLOOD CONTROL SCANDAL — Ayon kay former Chavit Singson, hindi makapipigil ang pag-aresto sa kanya sa kasong cyberlibel upang patuloy niyang ibunyag ang mga umano’y sangkot sa flood control scandal.

Ayan na, tila lalo pang nagalit si Manong Chavit, kaya’t asahan na lamang kung ano ang magiging kasunod niyang mga rebelasyon kaugnay ng umano’y anomalya sa mga flood control project sa bansa. Boom!

XXX

KAHIT INDEPENDENCE DAY, TULOY ANG RAKET NA SMUGGLING SA CUSTOMS NG MGA SMUGGLERS — Kahapon, kasabay ng pagdiriwang ng bansa ng Independence Day, may impormasyon na tuloy pa rin umano ang raket na smuggling sa Customs na kinasasangkutan ng mga grupong tinatawag na "Leah C.," "Teves Group," "Big Mama," "Tina U.," "Kimberly Gang," at "Santos Group."

Aba'y kung totoo ito, ibig sabihin ay walang holiday sa raket ng smuggling sa Customs. Mga buset!