First time lola, gigil na gigil… POPS, TAGA-PALIT NG DIAPER NG UNANG APO KAY ROBIN

ni Julie Bonifacio @Winner | March 20, 2024

Inilantad na ni Pops Fernandez ang first apo nila ng ex-hubby niya na si Martin Nievera courtesy of their eldest son, Robin Nievera.

Kasalukuyang nasa Amerika si Pops at ‘di niya pinalampas na makita ang kanyang apo for the first time na si Baby Finn.

“Lolli” ang name na gusto ni Pops na itawag sa kanya ni Baby Finn na of course, swak sa "Lollipops".  

Nag-post si Pops sa Instagram ng video niya karga-karga si Baby Finn.

Caption ni Pops: “Finally meeting Baby Finn. A minute full of gigil moments with him!”

Ang daming bumati at nag-welcome kay Pops being a new “lolli” among her celebrity friends like Jackielou Blanco and Nadia Montenegro. 

Say ni Jackielou, “Welcome to Mamita land,” na may purple heart sa dulo. 

Pagbati ni Nadia, “Welcome to the club!!!” at may three heart emojis.   

Sumunod na video post ni Pops sa Instagram ay ang pagpapalit niya ng diaper kay Baby Finn. Habang sa Instagram Story ay ipinost ni Pops ang baby picture ni Robin na karga ng Concert Queen at ang picture niya with Baby Finn.

Sa isang interbyu ni Martin ay ikinuwento niya ang tungkol sa pagbuo ni Robin at ng non-showbiz girlfriend niya sa name ni Baby Finn.

Ang real name ni Baby Finn ay Phineas from the cartoon show na Phineas and Ferb.

Plano raw ni Robin at ng girlfriend niyang si Mia (mom ni Baby Finn) na 'pag lalaki ang baby nila, ang first letter ng name ay letter "P", alinsunod sa name ni Pops, at kung babae naman daw, ang first letter ng name should be "M" for "Marti" na sunod sa name ni Martin. 

Based sa Chicago ang GF ni Robin, pero sa Los Angeles nakatira noon si Robin.

Hanggang sa ma-meet ni Robin si Mia at nu’ng naging sila na, Robin moved to Chicago to live with Mia.

Sooner or later daw, lilipat naman sa Las Vegas sina Robin, Mia and Baby Finn.

Anyway, perfect couple ang description na ibinigay ni Martin kina Robin and Mia. 

Sabeee!