Ex-SP Chiz at HS Romualdez, ‘di nakaligtas sa kaliwa’t kanang expose

ni Ka Ambo @Bistado | September 11, 2025

Naghahalo ang balat sa tinalupan. 

Iyan mismo ang kahulugan ng BLOOD BATH.

----$$$--

HINDI nakaligtas sina ex-Senate President Chiz Escudero at maging si House Speaker Martin Romualdez sa kaliwa’t kanang expose.

Ang ugat?

Malinaw, ang diskarteng anti-VP Sara.

-----$$$--

PAULIT-ULIT na sinasabi ng kolum na ito na magbu-BOOMERANG ang pag-atake kay VP Sara.

Sa ayaw o sa gusto mo, political propaganda ang lahat.

----$$$--

NGAYON, hindi natin malaman kung sino ang utak ng expose kontra sa Senado at kontra mismo sa Kamara ng mga Representante.

Kumbaga sa boksing — parang Pacquiao vs. Marquez, aktuwal na basagan ng mukha.

----$$$-

WALANG puwedeng magsabi na ang ehekutibo o ang Malacañang ang nasa likod ng giyera-patani.

Kasi’y kapag naging grabe ang sitwasyon, magbu-boomerang din ito kay PBBM.

----$$$--

MAGBABANTAY tayo at magmamasid sa mga susunod na kabanata.

Kapag nadamay sa “sunog” ang Malacañang, may kakaibang ipinahihiwatig ito.

----$$$--

MAPAPANSIN na mayroon nang nagbubuyo ng mga kilos-protesta kung saan, kapag nagkamali ang pulisya — ay maaaring lumala ang sitwasyon.

Alalahanin natin na ang bruskong gobyerno ni Moammar Khadafy ay gumuho nang magkaroon ng madugong dispersal sa isang kilos-protesta.

Dapat ay maging mahinahon ang lahat, dahil ang makikinabang dito — ay ang mga “dayuhan” upang diktahan ang ating pamahalaan.

----$$$--

HINDI naman agad-agad magkakagulo kung iyan man ay isang sikretong maniobra.

Magkakaroon muna ng mga sistematiko at nakaayos na senaryo.

Iyan ay malalim at mahirap nang masukat.

----$$$--

SA gitna ng kahihiyan na ikinakalat ng mga ‘mandarambong’ na pulitiko at ganid na mga negosyante, nagbibigay konsuwelo naman si Tennis Star Alex Eala.

Nakaangat sa mapa ng daigdig ang watawat ng Pilipinas dahil sa serye ng mga pagwawagi ni Eala sa mga prestihiyosong torneo.

----$$$--

MAHIRAP makawala ang ilang senador at kongresista sa isyu ng dispalinghadong flood control projects.

Ito ay dahil ang pondo ay mula sa “INSERTION” sa badyet.

----$$$--

MAAARING ginamit lang ang lisensya ng mga kontraktor ng kutsabahan ng ilang opisyal ng DPWH, senador at mambabatas.

Dahil insertion, hindi puwedeng makaligtas dito ang Senado at Kamara ng mga

Representante.

----$$$--

ANG isyu ngayon ay hindi kung sinu-sino ang makakasuhan, bagkus ay kung sinu-sino ang “ililigtas” o MAKAKATAKAS sa kamandag ng batas.

Sinu-sino ang poprotektahan at sinu-sino ang magsasakripisyo sa gitna ng pagkakamal ng salapi ng mga tunay na utak ng pandarambong.

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.