Ex-DPWH Usec. Cabral at nawawalang bride: Baka may kuwento sa likod
- BULGAR
- Dec 22, 2025
- 2 min read
ni Ka Ambo @Bistado | December 22, 2025
Pinagdududahan ang pagkamatay ni ex-DPWH Usec. Catalina Cabral.
Hinahanap naman ang nawawalang “bride” sa Quezon City.
Wala bang kaugnayan ang “dalawang kaso”?
----$$$--
MAY ulat na aaarestuhin na si Sen. Bato.
Hindi siya dapat magtambay at magpa-selfie sa bingit ng bangin.
----$$$--
IBINUNYAG na ng ICC ang resulta ng medical exam kay Digong.
Kung tayo ang titingin, ang sintomas na natuklasan ay maituturing na “Mild Cognitive Impairment (MCI)”.
Kayo na ang mag-search kung ano ang “MCI”.
Makipag-debate kayo sa Copilot, Meta AI at ChatGPT.
-----$$$---
SUNUD-SUNOD ang mga yumayaong “personalidad” ngayong Kapaskuhan.
Ang “suspek” ay mismong higit sa P500 na pang-Noche Buena.
-----$$$--
MAY lihim na “frat war” sa likod ng flood control at insertion scandal.
Ho! Ho! Ho!
----$$$--
BUMUBUWELO na ang US sa pagkubkob sa Venezuela.
Naka-ready na rin ang Russia.
-----$$$--
TALIWAS sa Pilipinas na puro “ngakngak” lang—preparado ang Taiwan , Vietnam at Japan laban sa China.
Hindi sila pumapayag na “bombahin” ng tubig ang kanilang mga mangingisda.
-----$$$--
HINDI ba puwedeng kapag binomba ka ng tubig, ay bombahin mo rin ng tubig ang Chinese coast guards?
Ilang ulit nang binombomba ng tubig at sinasaktan ang mga mamamayan sa WPS, pero “laway” pa rin ang iginaganti ng Pilipinas.
Sabagay, ere nga pa lang “laway” ay “tubig” din.
Kapag nag-level up ang Pinoy—“dura” naman ang iresbak.
Ha-Ha-Ha!
-----$$$--
SA kasaysayan ng Pilipinas, katapangan at pagbubuwis ng buhay para sa soberanya ang ipinamamalas ng mga Pinoy.
Pero ngayon, “dakdak, ngakngak, reklamo”.
Tapang ba ang tawag d’yan o kaduwagan?Ang pagigiging “martir” ang tunay na dumidilig sa “soberanya”—hindi propaganda at ingay!
-----$$$--
PINASABOG ang ilang watercraft ng China na pumapasok sa karagatan ng Malaysiya at Indonesia.
Mula noon, hindi na sila dinuduro-duro!
---$$$--
DALAWANG klase lang ng tao ang paboritong biktima ng mga nambubully.
Una, ang mga likas na duwag.
Ikalawa, ang mga takot na isakripisyo ang buhay para sa inang bayan!
Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.
Comments