Esteban, silver sa World Cup fencing

ni MC - @Sports | September 29, 2021

Pilak na medalya ang nasungkit ni Pinay fencer Maxine Esteban sa women's individual foil event sa FIE Senior Satellite World Cup na idinaos sa Tashkent, Uzbekistan nitong weekend.

Pumasok na top seed si Esteban sa kompetisyon kung kaya nakakuha agad siya ng bye at diretso na sa quarterfinals. Tinalo ng 20-anyos na Ateneo sensation ang hometown bets na sina KOmila Mirzaeva at Umida Llyosova para makasampa sa finals. Nakaharap niya si Marta Cammilletti ng Italy sa finals at ito ang nakasungkit ng gold medal.

Umangat sa world ranking ang runner-up finish ni Esteban. Ikinatuwa rin ng UAAP Season 81 Rookie of the Year at Most Valuable Player ang pagbabalik aksiyon niya matapos ang dalawang taon na walang kompetisyon dahil sa pandemic. Tinitiyak niyang mas pagbubutihin pa niya ang kanyang kakayahan upang mas maging mahusay pang atleta.

Haharap sa mas mabibigat pang mga laban sa susunod na buwan si Esteban dahil plano niyang sumagupa sa iba pang mga kompetisyon sa Europa. "There are many competitions lined up for me. I will see action in the next FIE Senior Satellite World Cup which will be in Copenghagen, Denmark on Oct 10. Then, if the Italian and French federation allows, I will participate in the Italian and French national championships scheduled on October 31 to November 1 and November 27-28. respectively. Then, I will proceed to the Senior World Cup in St Maur, France on December 12, 2021," aniya.