ELLEN, 9 WEDDING GOWNS ANG IPINAGAWA SA KASAL NILA NI DEREK

ni Erlinda Rapadas - @Teka Nga! | November 14, 2021

Napa-"wow!" naman kami sa balitang hindi lang pala isa kundi siyam ang wedding gowns na ipinagawa ni Ellen Adarna para sa kasal nila ni Derek Ramsay.

Hindi ito fake news dahil isa-isang ipinakita ang iba't ibang styles ng wedding gowns na pinagpilian ni Ellen upang gamitin sa kasal nila ni Derek.

Meaning, bayad lahat ang mga wedding gowns kahit isa lang ang ginamit ni Ellen sa kasal. Pero ang isa pa ay ginamit niya sa wedding reception.

Isa sa 9 wedding gowns ni Ellen ay obra ni Mak Tumang na siyang gumawa rin ng wedding gown ni Kris Bernal.

Well, sa mga showbiz celebrities na ikinasal sa mahigit dalawang dekada, wala kaming natandaan na bride na nagpagawa ng 9 wedding gowns. Ang alam namin na celebrities na may pinakamahal na wedding gown ay sina Marian Rivera, Heart Evangelista at Dra. Vicki Belo na milyun-milyon ang halaga.

Pero 'yun ay bayad para lang sa isang wedding gown na isinuot nila sa kanilang kasal. Talbog ang ibang brides kay Ellen Adarna.

Sey tuloy ng mga netizens, sobrang mahal talaga ni Derek Ramsay si Ellen kaya pinagbigyan ang kapritso nito na magpatahi ng 9 wedding gowns.

Well, can afford naman talaga si Derek na gastusan si Ellen. 'Yun nga lang halaga ng isang luxury car sa collection ni Derek ay worth P29 million.

Lahat ay handa niyang ibigay sa kanyang sexy and pretty wifey.