LV store sa Paris, exclusive sa kanya… DRA. BELO, AYAW NANG MAY KASABAY MAG-SHOPPING

ni Julie Bonifacio @Winner | November 16, 2023

Fresh from her trip sa Vietnam and Singapore, nakausap namin ang sikat na beauty surgeon na si Dra. Vicki Belo sa kanyang Belo Clinic sa Greenbelt last Monday.

Nope, wala pa kaming ipinagalaw sa face namin, huh? May ibang pasyente si Dra. Vicki na sinamahan namin.

Inurirat namin si Dra. Vicki sa kabogera niyang pagsa-shopping sa Louis Vuitton shop sa Paris, France kung saan tinawag pa siyang “Madame Belo” ng manager doon.

Paano kasi, maagang nagbukas ang LV shop para lang kay Dra. Vicki.

At ‘di na niya kinailangang mag-ikut-ikot sa loob ng shop para lang hanapin ang mga gusto niyang bilhin, ‘noh? Ipinarampa sa mga LV models ang latest collection nila sa store at doon na lang namili si Dra. Vicki ng mga bibilhin niya!

Eksklusibong ikinuwento ni Dra. Vicki sa amin, “Ano ‘yun, during the Fashion Week. Gusto kasi ng Paris na, sabi ko, ‘Alam mo, naguguluhan akong mag-shopping kapag maraming tao.' Sabi nila, ‘Sige, buksan namin sa ‘yo nang maaga.' So, thank you, LV, nakapag-shopping ako nang maaga."

Dagdag pa nito, "Usually kasi, ang LV, laging maraming tao. Hindi ko makita ‘yung gusto kong bilhin. So, ipinabukas naman nila nang maaga. Kasi suki na ako since 2000. Lagi na akong nagsa-shopping sa kanila.”

At panay din ang attend ni Dra. Vicki sa Paris Fashion Week. Eh, siya naman kasi ang iniimbita to attend the glamorous event.

“Oo, pero magre-retire na ako. Kasi, si Pia (Wurtzbach), nand’yan na. Belo naman si Pia, so, I’m very happy. Sobrang sikat ni Pia sa Paris Fashion Week. Everything about her is beautiful.

She’s very charming.

“We should be proud of her. Sobrang ano, ‘yung ibang influencers, they welcomed her with open arms 'coz they know she’s a star.”

Ang dami raw fans ni Pia na nagpa-follow sa kanya sa socmed accounts niya. Kaya nu’ng naglakad daw si Pia sa red carpet ng Busan International Filmfest sa Korea beside her crush na Korean superstar na walang iba kundi si Gong Yoo, super-tilian ang mga fans.

Meaning, sikat din si Pia at kilala siya ng mga Koreano.

No wonder sobrang may nai-insecure na celebrity kay Pia sa pagrampa niya sa Paris Fashion Week.

True ang sabi ni Dra. Vicki, lovable naman kasi si Pia unlike ‘yung isang Filipino star na influencer na diumano’y iniwan ng kanyang glam team at lumipat kay Pia.

Need pa ba namin siyang pangalanan?

Oh, well, nasulat naman na, ‘di ba? Ang tinutukoy natin ay si Heart Evangelista.

In fact, may nang-iintriga pa kay Heart na “inaaway” daw si Pia over Paris Fashion Week.

Oh, well… But it’s much better if we both support sina Pia at Heart sa mga Fashion Week na 'yan.

Kasi they’re both Filipina at dapat maging proud tayo sa kanila gaya nga ng sabi ni Dra. Vicki.