DOMINIC, SUMAGOT SA PANGGAGAMIT DAW KAY BEA

ni Nitz Miralles @Bida | October 22, 2023

Nagpasalamat si Bea Alonzo sa mga bumati sa kanya sa nakaraan niyang birthday noong October 17. Parang naging senti ang aktres sa kanyang post, pero normal lang ito sa mga nagbi-birthday.

“Another year older and wiser.

“Thanks for all your sweet messages and those who sent gifts and flowers for my birthday.

Every time I know my b-day is coming up, I always get the b-day blues, and this year is no exception. It makes me think of so many things about my life and inspect my life decisions.

You see, I want to live a meaningful life, and I always look for my life’s meaning. And I realized the essence of everything in your life is what you give it.”

Matipid naman ang birthday greetings ni Dominic Roque sa kanyang fiancée at ang sabi lang ay “Happy, Happy Birthday Hunnn! I love you...”

Sabagay, hindi na kailangan ang mahabang birthday greetings ni Dominic kay Bea dahil halos araw-araw naman silang magkasama at siguradong araw-araw nagsasabihan ng “I love you.”

Anyway, nakakatuwa si Dominic at marunong nang sumagot sa mga bashers at ang maganda, hindi niya sineseryoso at hinahaluan ng humor ang sagot sa hanggang ngayon, kumukuwestiyon pa rin sa intention niya kay Bea.

May nag-comment na “You are just using Bea Alonzo for u and ur family.”

Sagot ni Dominic, “Wehh, wala namang alam. Walang nagmamahal sa ‘yo, kawawa naman...

God bless you.”

Isang fan ni Dominic ang naglatag ng kanyang credentials na oo nga at hindi na siya active sa showbiz, pero may sarili siyang business at may mga ari-arian na nakuha niya sa sariling pagsisikap. Afford nitong hindi mag-artista as per Bea’s request kaya maayos at tahimik ang kanilang relasyon.