Dinala sa Coron, Palawan nu’ng V-Day… XIAN, NAG-RENT NG PLANE PARA I-DATE SI KIM

ni Vinia Vivar - @Frankly Speaking | February 15, 2021

Pasabog pa rin ang surprise ni Xian Lim sa girlfriend niyang si Kim Chiu kahapon sa pagdiriwang ng Araw ng mga Puso kahit pandemic.

Umarkila lang naman ng sea plane si Xi at inilipad sa Coron Palawan ang GF. Ang taray, ‘di ba?

Sobrang happy naman si Kim sa eme ng boyfriend at caption pa niya sa kanyang Instagram post na series of photos, “Happy Valentine’s Day indeed!!!! I woke up to a beautiful surprise today!!!! This guy has a lot of surprises in his pocket! Sabi niya out of town tayo, then suddenly he sent a hangar address, ‘kala ko saang out of town, FLY out of town pala!!! ‘Di ready outfits ko!!!

“Pero I melt!!!! Thank you Xi for always putting an A++++++++ EFFORT!!!

“Glad to spend V-day also with the girls close to your heart. Tita Mary Anne, Lola, Ate Kris and Anna and Jayson!

“Thank you my always!!! @xianlimm. HAPPY HEARTS DAY EVERYONE!!!”

Makikita sa mga photos na may dala pang bouquet of red roses si Kim na siyempre ay bigay ni Xi.

Also in the photos ay ang mommy at lola ng aktor na kasama rin nila.

Nag-post din ang aktor ng mga larawan nila at sa caption, he wrote, “Celebrating Valentine’s Day with you is the best @chinitaprincess.”

Sa isa naman niyang post ay sinabi ni Xi na first time raw ng mommy at lola niya na sumakay sa sea plane.

Aniya, “Araw ng mga Puso escapades @chinitaprincess. Safe travels with @airtrav.ph first time for @mommymaryanne, lola, Jason and Ana to ride the sea plane! Sobrang saya! What an experience.”

Tuwing sumasapit ang V-Day ay may pasabog ang aktor kay Kim. Last year, matatandaang sinorpresa niya ang girlfriend by sending life-size bouquet of flowers (na tatlong tao pa ang nagbuhat including Xian) sa set ng Love Thy Woman.