Digong, ‘di alam na may impeachment vs. Sara

ni Mylene Alfonso @News | May 7, 2026

Photo: OVP Media

Kinumpirma ni Vice President Sara Duterte na hindi niya ipinaalam sa kanyang ama na si dating Pangulong Rodrigo Duterte ang tungkol sa mga usapin ng posibleng impeachment at mga nangyayari sa House of Representatives.

“Kasi sa tingin ko, hindi na niya kailangan malaman ang mga ganyan na klase na bad news. Kasi wala rin naman ‘yung value sa kanya. Nandoon naman siya sa loob. Ang mangyayari lang dun ay mag-iisip siya. Tapos mag-overthink siya. Siya lang mag-isa.”

Dagdag pa ng Bise, mas makabubuting ituon na lamang ng ama ang pansin sa mga positibong bagay kaysa sa mga negatibong isyu sa pulitika.

“Hindi siya karapat-dapat para sa isang 81 year old. Dapat ang alam lang niya ay ‘yung mga happy na mga bagay. Lalo pati nag-iisip tayo na baka nga d’yan siya bawian ng buhay sa loob. D’yan siya mamatay sa loob ng detention.”