‘Di raw totoong friendship over na sila… BEA, NA-HANGOVER, NO SHOW SA HALLOWEEN PARTY NI ANDREA

ni Vinia VIvar @Frankly | November 4, 2026

Photo: Bea Borres - IG

Nagbigay na ng pahayag ang social media influencer na si Bea Borres matapos kumalat ang espekulasyon tungkol sa umano’y pagkakaroon nila ng falling out ng kaibigang si Andrea Brillantes.

Sa isang Facebook (FB) post, diretsahan niyang sinagot ang issue at nilinaw na nagkaroon na sila ng personal na pag-uusap ni Blythe (Andrea) tungkol sa mga nangyari.

Nagsimula ang intriga sa dalawa nang mapansin ng mga netizens na kasama ni Andrea sina Danica Ontengco at Criza Taa sa inorganisang Halloween event ng aktres for her brand na Lucky Beauty at wala roon si Bea. 

Dahil dito, marami ang nagtaka kung may problema ba sa kanilang grupo at kung FO (friendship over) na sila.

Ayon kay Bea, hindi totoo na hindi na sila magkaibigan ni Andrea dahil lamang sa hindi niya pagdalo sa naturang event.

“I’ve been seeing so many assumptions about our friendship, with people claiming na FO na raw kami and making up so many stories. Yes, Blythe and I already had a conversation about what happened, but that doesn’t mean we’re no longer friends,” pahayag ni Bea.

Ipinaliwanag din ng influencer ang dahilan kung bakit hindi siya nakadalo sa mga nakaplano niyang activities, kabilang ang event ni Andrea.

Inamin niyang lumabas siya noong Thursday night (October 29), dahilan para masira ang mga plano niya sa mga sumunod na araw. 

“I went out on Thursday and admittedly, sumagad talaga ako, which was wrong on my part because I already had plans lined up for the following days. I had a Zara Larsson concert to attend, Lucky Beauty’s event, and even a table reserved at a club that I didn’t get to claim.

“I was really looking forward to celebrating Halloween this year because I wasn’t able to celebrate last year since I was pregnant. October 31 was actually the day I intended to go all out, but unfortunately, I was already starting to feel sick,” paliwanag ni Bea.

Nanghihinayang din siya sa nangyari dahil ilang buwan daw niyang pinaghandaan ang Zara Larsson concert. 

“Mind you, I’ve been preparing for that concert for months. I already had an outfit custom-made specifically for it and even booked my hair and makeup appointments in advance. That’s how excited I was to go. So imagine having to cancel something you’ve been looking forward to for months because of a bad hangover and because you could already feel yourself getting sick,” aniya.

Dahil hindi na siya nakadalo, ibinigay na lamang niya ang kanyang concert tickets sa kapatid ni Andrea.

Aminado rin si Bea na disappointed siya dahil kinailangan niyang kanselahin ang mga bagay na matagal na niyang naplano dahil sa kanyang bad hangover at nararamdaman niyang pagkakasakit.

Gayunpaman ay inaako raw niya ang responsibilidad sa kanyang naging actions at sa mga nangyari nitong mga nakaraang araw.

Iginiit din ni Bea na hindi dapat agad bigyan ng malalim na kahulugan ang simpleng hindi pagdalo sa isang event, dahil hindi naman ito automatic na nangangahulugang may problema sa pagitan ng magkakaibigan.

“I hope people understand that me not showing up doesn’t automatically mean there’s an issue between me and my friends. Sometimes, things really are just as simple as they seem. Not everything has to have a deeper meaning, and not every absence means there’s a falling out between friends,” saad niya.

Sa huli, hiniling ni Bea sa mga netizens na huwag siyang sisihin sa mga desisyon ng ibang tao o gumawa ng kung anu-anong kuwento base lamang sa kanilang assumptions.

“You can criticize me for my own actions, but please don’t make me responsible for other people’s choices or create issues out of assumptions,” pagtatapos niya.