‘Di lang nagkatuluyan… RICA, UMAMING PINAG-USAPAN NA NILA NOON NI PIOLO ANG PAG-AASAWA

ni Ador V. Saluta - @Adore Me! | February 21, 2021

Sa sarili niyang vlog, nakakapagtakang ngayon lamang ipinagtapat ng dating aktres na si Rica Peralejo ang naging relasyon nila dati ng hunk actor na si Piolo Pascual.

Nangyari ang pagbubunyag ni Rica tungkol sa pagkakaroon nito ng romantic relationship sa aktor nu’ng tanungin siya ng kanyang mga fans tungkol sa kanyang personal at showbiz career sa kanyang vlog.

May nagtanong sa kanya ng, "Naging kayo ba talaga ni Papa P?" na sinagot naman ni Rica ng, "Hindi 'to pa-safe, ha? Yes and no," bungad niya.

Paliwanag ng aktres, "Yes in the sense na ang deep naming dalawa with each other. But we never put a label on ourselves. Never naming ibinigay 'yun sa isa't isa. Tapos, hindi rin kami umamin sa public about dating or liking each other."

Wala silang inamin na sila'y magdyowa o mag-on dahil ayaw daw nilang lagyan ng label ang kanilang relasyon, bagama't sinabi ni Rica na pareho nilang gusto ang isa't isa.

"We would [even] talk about the future, like being husband and wife and all that. But, you know, I did that also with Bernard (Palanca, dati niyang boyfriend)."

"Alam mo 'yun, parang ganu’n naman kapag may somebody ka na you want to be serious with, eh. Sometimes you can't help but move forward with your thoughts na parang when that day comes... I'm not going to say that I was [the] only one sa buhay niya."

Hindi raw humantong sa pagkakataong nag-propose ng kasal sa kanya si Papa Piolo.

"Hindi. (Pero) Piolo was actually the first one to invite me to church, together with Dante Nico Garcia. And I think that was largely the purpose of Piolo in my life.

"To bring me closer to God, and when I met Jesus, I realized this was the man I needed to get to know in my life at the time. And for that, I will be forever grateful to Piolo, for bringing me one step closer to the truest love of my life," pahayag pa ni Rica.

Sa kanyang vlog, ibinahagi rin ni Rica ang naging relasyon nila ng aktor na si Bernard Palanca.

"You know, Bernard was like my longest of all the boyfriends I had... We were together for four years. We just didn't do life the same way. I liked to be with him a lot. He loved to be with me a lot back then. But 'yun nga, on the most crucial things, hindi kami agree, we tried until the fourth year and then I said, 'You know what? This is not going to work.' I can't change this person to be the person that I want him to be. He has to want it for himself," ani Rica.

Sa edad na 39, at sa mahigit na 11 years na pagsasama, masasabing happily married na ang aktres kay Pastor Joseph Bonifacio. Sila'y nabiyayaan ng dalawang anak, sina Philip Nathaniel (4 y/o) at Manu (1 y/o).

Nagpakatotoo naman si Rica nu'ng sagutin ang tanong ng isang fan kung 'virgin' pa ito nu'ng pakasalan siya ni Joseph Bonifacio.

"No. I wasn't a virgin anymore when I met him. That's very evident to the kind of life I led before.

"We didn't really talk about it. [But] I think that's one of the things that made me fall in love with him. That he knew everything about me and yet he chose to love me, and he chose to see the best in me," pagtatapos ng aktres sa kanyang vlog post.