DEREK, IPINAGSIGAWANG SOULMATE si ELLEN

ni Nitz Miralles - @Bida | October 23, 2021

Bongga ang prenup shoot nina Derek Ramsay at Ellen Adarna dahil sa isang bundok sa Mabini, Batangas. Ang daming photos ng engaged couple na nasa talahiban silang dalawa at ang kakaiba rin sa kanilang photo shoot, may kuha na pareho silang topless.

Kita tuloy ang kani-kanyang tattoos sa katawan.

Ang sweet ng dalawa dahil minsan, “D” at “E” ang terms of endearment at sweet din ang mga caption ni Derek sa mga photos nila ni Ellen na kanyang ipino-post sa Instagram.

Example na lang, “Sorry I have to post this photo again. Every time I look at it, I fall more in love with you, with us and with what we have. Thank you Lord for letting me find my soul mate.”

Isa pa, “This video captures exactly how I feel for my beautiful wife to be. Love you @maria.elena.adarna” at “My LIFE... with hair! I love you DAI!!!”

Lalo pa sigurong magiging sweet sina Derek at Ellen after their wedding na hindi pa lang nababanggit kung kailan ang kanilang kasal at kung saan. Ang sabi lang ay destination wedding ang kasal ng dalawa na mas exciting.