DENNIS, MATINDING SAMPAL ANG NATIKMAN KAY BEA

ni Erlinda Rapadas @Teka Nga | October 18, 2023

Katatakutan na rin palang kaeksena si Bea Alonzo ng ibang artista dahil iba siyang umarte kapag nake-carried away sa kanyang role, tulad ng nangyari sa kanila ni Dennis Trillo sa Love Before Sunrise.

Kahit role lang ng isang mahirap, lutang na lutang ang malakas na personalidad ni Bea na hindi basta nagpapaapi kahit kanino.

Napaka-intense umarte ni Bea at in character talaga siya sa mga eksena niya sa serye nila ni Dennis na umeere sa GMA Network. Nadadala talaga siya.

Natikman nga ni Dennis ang matinding sampal ni Bea. Nag-sorry naman si Bea sa kanyang kapareha. Wala siyang intensiyon na manakit ng kanyang co-star.

Well, hindi lang ang sampal nina Maricel Soriano, Celia Rodriguez at Jaclyn Jose ang katatakutan ngayon ng mga artista. Kasama na si Bea Alonzo na malakas din palang manampal.

Sa sobrang intense ng acting niya ay tinototoo niya ang pagsampal sa kanyang kaeksena. Hindi kaya ni Bea ang mandaya ng sampal kapag nake-carried away siya.