Coach Sangiao, inihahanda si Jhanlo sa Winter Warriors

ni MC - @Sports | December 09, 2021

Hindi inaasahan ni legendary coach Mark Sangiao na susunod sa yapak niya ang anak na si Jhanlo Mark sa sport na mixed martial arts.

Subalit dahil hantad sa kinalakihang mga nakapaligid na Igorot champions ang anak hanggang sa makakuha ng teknik mula sa top-caliber talents sa loob ng Team Lakay Central Gym sa Benguet, sasabak ngayon ang 19-anyos sa kanyang debut fight sa ONE.

Aabangan ang batang Lakay sa Winter Warriors sa Dis. 17 sa Singapore lakip ang maemosyonal na pahayag ni coach Mark mula nang iensayo niya at i-coach para mahubog sa MMA sport ang kanyang anak. "This will be the first time that I'm going to coach my son," aniya nang humarap sa Team Lakay media.

Inihahanda ng ama si Jhanlo sa promotional debut nito kontra Indonesian striker Paul "The Great King" Lumihi sa isang bantamweight showdown.

Kakaiba aniya ang sitwasyon ng paggabay niya sa sariling anak na si Jhanlo kumpara sa iba pang batang ginagabayan niya sa training na sina reigning ONE Strawweight World Champion Joshua "The Passion" Pacio, flyweight contender Danny "The King" Kingad, maging ang rising stars na sina Stephen "The Sniper" Loman, Lito "Thunder Kid"

Adiwang, at Jenelyn Olsim. "Although I consider our athletes as like our own children, it's really different when it's your own blood," aniya.

Bagamat kadugo niya si Jhanlo ay ituturing niyang regular na fighter habang tine-train ang anak. "If it's just up to me, I will treat him the same as our other athletes. But we don't know what will happen and like I said, that will be the first time that I will experience that. So I think we could only wait for fight night before we can see how different I could really be when I'm just barking orders for him as a coach on the side," ani coach Sangiao.