Civil wedding lang… JENNYLYN AT DENNIS, 2 WEEKS NA LANG, IKAKASAL NA

ni Nitz Miralles - @Bida | November 1, 2021

Kinilig at excited na ang mga fans nina Dennis Trillo at Jennylyn Mercado sa breaking news ng Preview magazine, isa sa dalawang magasin na cover ng November issue nila ang engaged couple, na malapit nang ikasal ang DenJen.

“In about two weeks, the couple will be tying the knot through a civil wedding to be held at an events place close to home, to make things easier for Jen.”

Aligaga ngayon ang DenJen fans sa pagtse-check kung kaninong bahay malapit ang events place na venue ng civil wedding. Kung malapit sa bahay ni Jennylyn, Quezon City area ito, at kung malapit sa bahay ni Dennis, sa Antipolo area ito. Good luck sa mga fact checkers at sana, malaman nila ang venue before the wedding.

Sa interview kina Dennis at Jennylyn ng Preview at sinabi rin sa 24-Oras, nabanggit na dahil hirap magbuntis si Jennylyn, pinlano nila na magka-baby via surrogacy. Nakahanap na sila ng perfect surrogate mother para sa baby nila at magpipirmahan na ng kontrata noong October.

Kaso, nagbuntis si Jen, kaya hindi na kailangan ang surrogate mother.

Nag-decide rin daw sina Dennis at Jennylyn to keep the embryo they developed in storage, just in case.

Sa ngayon, excited sila sa pagdating ng first child nila na gusto sana ng dalawa ay baby girl dahil sabi nga ni Jen, may two boys na sila.

Ang manager ni Jen na si Becky Aguila ang sumagot sa status ng series ni Jen na Love. Die. Repeat.

“GMA was so understanding and accommodating to postpone the taping of her soap until she is ready to come back,” sey ni Becky.

Walang problema kay Dennis dahil matagal nang tapos ang taping ng Legal Wives at magtatapos na nga sa November 12. Sa story ng series, buntis ang isa sa tatlong asawa ni Ismael (Dennis) na si Diane (Andrea), habang in real life, buntis ang magiging legal wife ni Dennis na si Jennylyn Mercado.