CINEPANALO FESTIVAL DIRECTOR, UMAMIN KUNG BAKIT 'DI NAKAPASA ANG MOVIE NI XIAN

ni Janiz Navida @Showbiz Special | January 24, 2024

Bongga at panalo talaga ang first-ever CinePanalo Film Festival na hatid ng Puregold.

First time yatang isang grocery supermarket ang naglaan ng pondo para bigyan ng opportunity ang mga baguhang filmmakers na mai-showcase ang kani-kanilang makukulay na ideya at konsepto sa pamamagitan ng Puregold CinePanalo FilmFest.

Nang mag-announce ang CinePanalo committee sa pangunguna ng festival director na si Chris Cahilig na open sila sa mga baguhan at batikan nang filmmakers, nasa 235 entries ang kanilang natanggap.

In fact, kahit nga ang aktor-turned director na si Xian Lim ay nagpasa pala ng kanyang action film entry at pumasok sa Top 15. Unfortunately, hindi na lumusot ang entry ni Xian sa Top 6 ng full-length films category ng CinePanalo.

Paliwanag ni Direk Chris, hindi naman sila nakabase sa popularity or commercial value ng mga filmmakers kundi content talaga ang pinagbasehan nila sa pagpili kung saan ang pang-Top 6 ay isang gay-themed movie na masasabing 'wild card' na.

At siguro naman, hindi ikasasama ng loob ni Xian kung 'di man nakapasok sa Top 6 ang entry niya dahil balitang may mga sikat na rin at batikang direktor ang sumali rin pero 'di nakapasa.

Samantala, ang anim na masusuwerteng filmmakers na nakapasok sa CinePanalo Filmfest na iniharap sa press nu'ng Lunes, January 22, ay sina Kurt Soberano (Under the Piaya Moon), Eugene Torres (One Day League: Dead Mother, Dead All) which earned the "Producer's Choice" title, Sigrid Bernardo (Pushcart Tales), Raynier Brizuela (Boys at the Back), Joel Ferrer (Road to Happy) at Carlo Obispo (A Lab Story).

Samantala, bukod sa anim na full-length films, may 25 short films ding napili at humarap din sa press ang mga direktor ng bawat pelikula. 

Makakatanggap ng P2.5 M each ang bawat isa sa 6 full-length films para sa production ng kani-kanilang entry, habang P100 K each naman ang matatanggap ng 25 short film student directors. 

Kabilang sa mga bumubuo sa CinePanalo Filmfest committees sina veteran film and television Director Jeffrey Jethurian; film critic Tito Valiente; award-winning filmmaker Victor Villanueva; Puregold senior marketing manager Ivy Hayagan-Piedad; Lyle Gonzales of Republic Creative; and Puregold CinePanalo festival director Chris Cahilig.

Mapapanood ang 6 full-length at 25 short films sa Gateway Cinemas sa Cubao from March 15 to 17, 2024, followed by potential regional screenings. 

Short films will also be available on Puregold's official social media channels on YouTube and TikTok.