ni Vinia Vivar @Frankly Speaking | Abril 17, 2024
Kaagad nilinaw ni Cassy Legaspi ang tungkol sa mga lumabas na sweet videos nila ni Darren Espanto sa kanyang Facebook page.
Last Saturday, sunud-sunod na nakita sa FB (Facebook) page ni Cassy (with blue verified check) ang mga sweet videos nila ni Darren na labis na ipinagtaka ng mga netizens.
Nagtatanong sila kung bakit kailangang mag-upload ni Cassy ng mga videos ng sweet moments nila ni Darren gayung pareho na nga nilang sinabi na friends lang sila.
Ang espekulasyon pa ng iba, marahil ay naloka talaga si Cassy sa mga pahayag ni Darren na friends lang sila.
Kaya naman nagbigay agad ng paglilinaw si Cassy at sinabing hindi siya ang nag-upload ng mga videos dahil matagal na raw na-hack ang account na ito.
“This Facebook account USED TO be mine, until I was hacked in 2021,” ang pahayag ni Cassy.
“So to clear things up, this account is currently HACKED and NOT HANDLED BY ME,” aniya pa.
Kasunod nito ay nakiusap si Cassy na i-report ang nasabing account.
“Would like to ask for help to report this account, thank you all so much,” she wrote.
Gumawa na raw siya ng bagong account sa FB at ipinost pa niya ang link.
Pagdidiin ni Cassy, “Since may original Facebook Page was hacked, HAD to make a NEW FACEBOOK PAGE."
Makikita pa rin sa ngayon ang original FB page ni Cassy na may 21 million followers habang ang bago niyang account ay may 52,000 followers pa lang.