Brooks, gigil kay Adiwang; Miado, may hinahamon sa ONE

ni MC - @Sports | November 18, 2021

Mas astigin daw si Lito Adiwang kaysa kay Joshua Pacio, pampalakas ng loob na salita iyan ni Jarred "The Monkey God" Brooks.

Ganyan kung bumilib ang Kano kay "Thunder Kid" Adiwang ng Team Lakay na nakatakda niyang makasagupa sa ONE: NextGen II sa Nob. 26 sa Singapore.

"Starting with Lito is a great way to start in ONE," ani Brooks pampalakas ng loob niya dahil sa prime billing at main event ng fight card niya ito. "I think Lito is the best strawweight in the division besides myself, so starting out on the hard note is a great way to start."

Puno yata ng kaba si Brooks dahil maraming kuda ang Fight Matrix Strawweight Champion maging kay Lakay stablemate ni Adiwang na si current ONE Strawweight World Champion Joshua "The Passion" Pacio.

Naikumpara pa niya si Adiwang, ang no. 5-ranked strawweight contender sa official rankings ng ONE Championship, na mas mahusay at matikas kay Pacio, ang kampeon na hawak ang sinturon sa loob ng 2 taon.

Bihira lang sa Team Lakay ang mapikon sa mga kuda ng kalaban lalo na itong bagong ONE signee na si "The Monkey God" na 'minamaliit' ang Igorot warriors kaya naman si "Thunder Kid" Adiwang ay nagbuga na rin ng nag-aapoy na salita.

"I think he's just an unlucky guy who talks and acts like a monkey. I guess that's why he calls himself 'The Monkey God' because he will try to bluff and get in his opponents' head before the fight and that's really all he could do," ani Adiwang.

Samantala, mataas naman ang kumpiyansa ni Jeremy "The Jaguar" Miado nang patahimikin ang mga nagdududa nang pasukuin niya si Miao Li Tao noong Oktubre. “I’ve heard all the talk that I got lucky, and Miao even said it. But with this win, I think I proved that my past win was no luck and I really am the better fighter,” aniya.

Next target niya si Chinese rising star Banma Douji at handa siya kahit sinong elite strawweights pa ang makakaharap niya.