ni Erlinda Rapadas - @Teka Nga! | October 20, 2021
Hindi pala sina Alden Richards at Kathryn Bernardo ang original choice para sa lead role sa blockbuster movie na Hello, Love, Goodbye.
Ayon kay Direk Olive Lamasan na nakausap ni Toni Gonzaga sa Toni Talks, sina Liza Soberano at Enrique Gil ang gusto nilang magbida sa HLG. Pero, hindi unubra ang schedule ni Liza dahil nagte-training na siya sa kanyang Darna project that time.
Hindi rin umubra si Daniel Padilla dahil sa kanyang schedule, kaya si Alden Richards ang naisipan nilang itambal kay Kathryn Bernardo.
Experimental ito kung tutuusin at susubukan lang kung may chemistry ang Alden-Kathryn tandem.
Ang ending, sobra pa sa inaasahan ni Direk Olive Lamasan at ng Star Cinema ang nangyari. Bilyon ang kinita ng Hello, Love, Goodbye at tinalo ang record ng kinita ng mga box office hit movies ni Vice Ganda.
At hanggang ngayon, wala pa ring makakatalo sa box office record na naitala ng Hello, Love, Goodbye.