BINI, INIAAHON ANG ABS-CBN SA PAGKALUGI

ni Julie Bonifacio @Winner | August 20, 2026

Photo: IG _BINI_PH

“Our revenues are recovering,” pahayag ng pangulo at CEO ng ABS-CBN na si Carlo L. Katigbak sa annual Stockholders’ Meeting ng Kapamilya Network last Wednesday.

Dahil daw ito sa pagbaba ng gastusin at pagkabawas ng kanilang mga utang. 

Kaya ipagpapatuloy daw ng ABS-CBN ang pamamaraan nila tungo sa pagbawi sa pananalapi, pagre-report ng mga tumaas na kita at pagpapaliit ng mga pagkalugi.

Ito ay dahil na rin sa matagumpay na content partnerships at ang global breakout ng kanilang ng mga artists.

Una na nga d’yan ang BINI na umaani ng global recognition. 

“BINI’s global success is proof that ABS-CBN can channel its creative strengths to reach an international audience,” sabi ni Carlo.

Bukod sa BINI, binanggit din ni Carlo ang iba pang pruweba na ang ABS-CBN ay nananatili bilang isa sa country’s leading storytellers. 

“ABS-CBN broke new ground with the highly successful Pinoy Big Brother Collaboration with GMA Network.  

“In music, BINI has hit 2 billion streams across various music platforms. They have catapulted Filipino music to the global stage, becoming the first all-Filipino group to perform in Coachella. They were also recently tapped by DreamWorks Animation and Universal Pictures to perform the soundtrack for the film The Forgotten Island.  

“BINI’s global success is proof that ABS-CBN can channel its creative strengths to reach an international audience.

“We also produced a mini-series, The Silent Noise for Amazon Prime [Video], which won the Best Asian Content at the Global OTT Awards 2026,” paglalahad pa ni Carlo.

Kabog!

---

Tumalak sa socmed…

SOFIA, ISINISISI SA PAGTATAPON NG BASURA AT GHOST PROJECTS ANG PAGBAHA

MULING naglabas si Sofia Andres ng pagkadismaya dahil sa sinapit ng mga mamamayan sa ilang araw na pagbaha.

Nag-post ang aktres ng mga larawan na nagpapakita ng iba’t ibang sakripisyo at paghihirap ng mga Pinoy. Sa caption ay inihayag ni Sofia ang kanyang simpatya at pagbatikos sa kawalan ng hustisya sa gitna ng krisis.

Aniya, “Paano na? Sa inyo, pera ang baha. Sa kanila, tubig, gutom at pangamba.”

Sa comment section ay may nag-post na ang isa sa mga argumento niya kaya nalulunod ang kapaligiran sa baha ay dahil sa kawalan ng disiplina ng mga tao sa pagtatapon ng basura.

Sinagot ni Sofia ang nagkomento nito sa kanyang Instagram (IG) post.

Reply ni Sofia, “Agree. Disiplina sa basura, disiplina rin sa ghost projects.”

Sey ng mga netizens na sumang-ayon sa sagot ng aktres…

“Agree.”

“Both! People and the Government.”

“Ghost projects that start way back and continuously hanggang ngayon... need wise votes talaga.”

May pumuri rin kay Sofia sa pagiging vocal sa pag-share ng kanyang hanash sa nangyayari sa bansa.

Komento ng isa, “I stan a true queen. ‘Di tahimik sa issue ng bansa.”

Agree.