Binati na rin ni John Lloyd… KASALANG DEREK-ELLEN, SA JULY, 2021 NA!

ni Ador V. Saluta - @Adore Me! | April 23, 2021

Sa July, 2021 na pala ang inaabangan ng mga bashers na kasalang Derek Ramsay-Ellen Adarna!

Bagama't 'di pa sinabi ni Derek sa panayam sa kanya ni Nanay Cristy Fermin sa radio program ng batikang TV host sa Radyo 5 na Cristy Per Minute ang eksaktong petsa ng kasal, tuloy na tuloy naman daw ito.

Samantala, sa isang hiwalay na panayam ay nabanggit ni Derek na nagbatian sila ni John Lloyd Cruz nang magpunta ito sa kanyang bahay para sunduin ang anak ng aktor kay Ellen na si Elias Modesto.

Kuwento ni Derek, "Maaga siyang sumundo. Gising na ako. Nakita ko siya sa labas, [then] lumabas naman ako para bumati. Bati din siya. Sabi niya, ‘Congratulations.'"

Nag-congratulate raw si Lloydie sa kanya para sa upcoming wedding nila ni Ellen.

Sabi pa ni Derek, “Wala naman kaming problema ni John Lloyd. Siya rin minsan ang naghahatid dito kay Elias.”

Eh, di ang saya, 'di ba?!